أخواتي يمكن بقى لي كتير مش بدخل
بس في عندنا مشلكلة في البيت مجننانا أنا وبابا وماما وأخواتي وهي مشكلة أختي اللي تصغرني
تملي عنادية مع أمي وابويا وأخواتي مش عارفة ليه ومش بتقبل النصيحة خالص
وهي مش صغيرة دي 29سنة ومش عارفين نعمل ايه على العموم الموضوع طويل ولو في استجابة حكمل بس نفسي تدعو لأختي بالهداية وربنا يسترها معاكم جميعا
وحكمل لكم إن شاء الله بس دلوقت مش حينفع
مع السلامة أخواتي
ربنا يهديها دي مش صغيرة
بستنى تتمة الموضوع و ربنا يجيب العواقب سليمة
الله يهديها
أختي أكملي الموضوع وان شاء الله سنجد حلا
بس انا زعلانة عشانها كتير
أصل هي لما كان همرها 17 سنة اتقدم لها كذا عريس بس بابا موافقش على اي حد منهم عشان كانوا مش من أقربانا
وكان في واحد مصر أنه يخطبها قعد يجي عندنا كل شوية يتقدم مرة مع أخوه مرة مع أموه وخاله ومرة مع أبوه لمده 5 سنين وبعدين حسيت أنها كانت بتزعل من كده ويمكن عشان هو كان مصر هي حسيت انه هو الحسن بس كلنا كنا عارفين أنهم ما ينفعوناش يعني مفيش تكافيء لا علمي ولا اجتماعي مع اننا متوسطين الحال
بس هو كان بيبعت لها ولنا مع أصدقائها والجيران حتى الأقارب
حتى تزوج منذ 5 سنين ونسينا الموضوع وهي نسيته بس هي بتشعر دايما أن بابا واحنا سبب تعاستها
وعلى فكرة اتقدم لها عرسان بعد ذلك بس مش عارفة يعني من بعيد لبعيد ولو في واحدة كلمتها على عريس ما تقولش لماما او في البيت بالعكس ترفضه من بره بره
حكمل بعدين أنا آسفة مش قادرة دلوقت
أختي فأختك تحس أنكم انتم السبب في جلوسها الان بدون زواج
لأن لما تجلس مع نفسها تقول لو كنتم وافقتم على ذلك الانسان الذي ظل 5 سنوات يتردد عليكم
لكانت الان في بيتها فهي متدمرة داخليا و بصراحة انسان بيتردد 5 سنوات على بيتكم فهذا عنده صبر ايوب
و إذابحثنا عن عنادها سنجد سببه أنتم يا أختي .
فسنها 29 سنة يعني تعاني داخليا و عليكم ان تقدروا نفسيتها .
و يلزمها معاملة خاصة فهي محتاجة لمن يفهمها و من يطبطب عليها و يحضنها
و يحاول أن يتقرب منها و يحس بها صدقيني أنها تعاني داخليا لهذا تتصرف هكذا معكم
فهي ترى انكم السبب في جلوسها في البيت الان .
أتمنى لها التوفيق
واكيد هي هلأ حاسة بالنقص وبالحرمان وثقتها بنفسها متزعزة شووى فياريت ما تقسو
عليها اكتر وخليكم صبورين وهى ان شا ءالله الله بهديها وبتتفهم الوضع وبتعرف انو كل شى
قسمة ونصيب
اعانك الله اختى
و عليكم السلام ورحمة الله وبركاته
أهلا بعودتك أختي العزيزة … يارب أكون أم
ان شاء الله ما عليكم الا العافية انت و والديك و أخواتك
و ان شاء الله نقدر نساعد في مشكلتكم مع أختك
نسأل الله ان يهديها و يصلح حالها و يكتب لها و لكم الخير
متابعين باذن الله
اختي أحبها جدا وأخاف عليها إن بابا أو ماما يغضبوا عليها وخصوصا إن ماما علطول بتزعل عليها وعشان العمر بيجري بيها بس حنعمل إيه أنا بأدعيلها علطول حتى المشكلة دي منغصة على حياتي وهي على طول في البيت مش بتحب تكلم حد ولو حد كلمها بتختصر في الكلام ولو قالولها ليه مش بتقعدي معانا مش بتعطهم رد فعل كويس وأكيد بتحدث لذلك مشاكل وهي بتحب تقعد أطول فترة في عملها ولما تدخل البيت بيكون كأن ركبها عفريت مش عارفة ليه على فكرة أنا متجوزة وساكنة في بلدة بعيدة يعني أنا لم أرى أسرتي من شهر أغسطس وماما علطول بتشتكي منها دايما بابا يعمل مقارنة بيني وبينها ولو أنه مش علطول بيقول الكلام ده بس هي بتحسه وأنا كنت بشوفه في عينيها
وعايزة أقول حاجة عن العريس ده هي مرة قعدت تحكي معايا من 3 سنين وقالتلي هو كان إنسان مينفعنيش هو وأهله فعشان كده بأشعر إن اللي هي فيه ده بعيد عن تفكيرها في العريس الي راح
طيب أقولكم حاجة مرة كان فرح عمي وبعديه بكام يوم فرح عندنا في العيلةوكل البنات بتحب تتشيك كده مفهاش حاجة طالما أنه باحترام ممكن يكون في عريس مناسب أو أي أم بترشح لأبنها العرايس دي بقى قاللتلي لا أنا مش حروح وقعدنا أسبوع أنا وماما وبابا وأختي نتحايل عليها بس عشان تروح ولما قعدت أختار لها الملابس على ذوقي قعدت تنهر في وتهددني أنها لن تذهب فسكت وخليت أخني تاخدها بالسياسة وكل ده بيضايق امي وانا مضايقة عليها أوي ومش عارفة أعمل ايه كل أصحابها أتجوزوا وعلى فكرة أنا كمان أتخطبت وأنا27 سنة وأتجوزت 28 سنة مع إن كان بيتقدمولي كتير بس احنا بنحب نختار العريس على اساس دينه وأخلاقه والقبول بس أختي اتقدم لها من الأقارب وهي مش بتقولنا وترفض ( يعني عن طريق أهل العريس من البنات ) مع إن في مرة كنت حسيت إنها خلاص حتقبل بعريس عن طريق زوجة خالي هي قالتلي الموضوع وبس لم تخبر به أمي عشان خالي قالها قولي رايك وأنا حتصرف بس خالي للأسف لم يعرض عليها الموضوع مرة تانيةولم يسألها فخجلت أن تسأله كما شعرت أنا وكان ذلك قبل زواجي ب4 سنوات
أنا حقيقي زعلانة عشانها أنا بس عايزاها تغير من نفسيتها وكتير من الناس بتقولنا هي أكيد زعلانة من حاجة يارب خليك معانا يارب أنا تعبانة عشانها جدا ومش عايزة لا بابا ولا ماما ولا أخواتي يزعلو منها
يارب عجل بالفرج علينا وعلى كل متضايق يارب