انا ام لطفلين بنتى عندها 7 سنين طبعى واللى كتير حواليه بيعتبروه عيب انى بحب البيت اوى مش بحب اخرج وباحس بعدم امان لما اخرج بره برجى العاجى ومش هبالغ لو قلت انى باسمع دقات قلبى من كتر الخوف بخاف من البشر اللى براه اكيد مش كلهم يقدر الواحد يامنهم على نفسه او على اولاده بس كتير بحاول اتغلب على احساسى ده علشان مااحرمش اطفالى انهم يخرجو ويستمتعو بطفولتهم وماانكرش انى ببقى فى منتهى السعاده لمااشوف فرحتهم وهم بيلعبو وبيطنططو لحد لما جه اليوم اللى اتاكدت فيه مخاوفى من عالم البشر لماقدر جوزى يختلس بعض الوقت يخرجنا فيه.
لبست انا والولاد وعلى فكره انا مش من النوع اللى بلبس بنتى عارى بحجة انها طفله يعنى بلبسها انيق فى حدود ماتثيرش اى مشاعر غير سويه عند اى واحد غير سوى وروحنا الملاهى كان وقت امتحانات فماكنش فيها ناس كتير ومن اول مادخلنا بدا شاب او شيطان بمعنى اصح يهتم بينا وينتقل مع الولاد من لعبه للعبه لحد لمابنتى طلبت لعبه وابنى راح لعبه تانيه ووقفت انا جنبها وساعتها بدا اصعب موقف مريت بيه فى حياتى لما بدا الشيطان ده يطلق على مسامع ابنتى اسوء واقذر الفاظ سمعتها فى حياتى شعرت حينها ان الارض تدور بيه وانى شايله السبع طبقات للارض فوق راسى ليه طفلتى والملاهى ماتخلوش من اشباه العاريات ازاى قدر يفكر فى طفله بالشكل المريض ده مهما وصفت مش هاقدر اوصفلكو مشاعرى ساعتها وخيل لعقلى الغير ناضج بما يكفى انه متخيل انى مش سامعه فبدات ابصله نظره كلها استنكار وده للاسف كل اللى قدرت اعمله بادلها هو بنظره كلها تحدى بعينيه اللى لايمكن انسى بشاعتهم ورسم على وجهه البغيض ابتسامه ابغض وبص تانى على بنتى وكمل فى تحدى اللى بداه بصيت بسرعه على جوزى وانا كلى حيره اناديه واقوله ولا اعمل ايه فهو متهور والعمال فى الملاهى اكتر عدد من العائلات اللى موجوده وفشلت انى اخد اى موقف غير انى ادعيت انى مرهقه وعايزه اروح وروحنا وكل نظرات جوزى واولادى مليانه غضب منى انى افسدت الخروجه وعيونى انا كلها ذل وانكسار لانى معرفتش ادافع عن بنتى ولا اخد حقها من الشيطان ده
ياريت تقولولى كان المفروض اعمل ايه ولو كان الموضوع اتطور عن كده لما جوزى راح يصلى كان ممكن اتصرف ازاى يعنى اشيل سكينه فى شنطتى ولا الزم برجى العاجى انا واطفالى اسفه انى طولت عليكو بس محتاجه اوى اسمع رايكو فى الموضوع. وكنتى هتتصرفى ازاى لو كنتى لاقدر الله مكانى.
كتبت بواسطة ام عباد الله 
جزاكى الله اختى على الاهتمام
بس انا لو كنت قلت لجوزى للاسف ماكنش هايبلغ الاداره كان هايقتل الولد ده وطبعا ممكن هو وزملاؤه ياذو زوجى لان زميله كان واقف معاه ولم ينهاه فاعتقد انى كنت هاتسبب فى مشكله اكبر لو قلت جوزى
وفعلا ربنا اللى حفظ بنتى من براثن هذا الوحش الطليق يحفظ بناتنا اجمعين من شياطين الانس والجن
كتبت بواسطة الحالمه3 جزاكى الله خيرا يااختى وزى ماوضحت ده خيار ايا مر
وان شاء الله ينال عقابه من الله ويكفى الناس شره
كتبت بواسطة وفاء العميمي
لا حبيبتى مازلعش طبعا
بس الوضع مش زى ماانتى فهمتى اللعبه لازم عامل يشغلها لانها تعمل بالكهرباء
وانا اللى ركبت بنتى وهو وقف جنب اللعبه علشان لما الوقت المحدد ينتهى يوقفها
واحب اوضح انى بنتى ماانتبهتش للكلام لانها وبفضل الله كانت منهمكه فى اللعبه وغالبا ماكانتش هاتستوعب اللى بيقوله لانها عمرها ماتطرق لمسامعها كلام زى كده يعنى انا اللى اخدت الصدمه كلها الحمد لله رغم انى كنت واقفه عن بعد منه
وانقسامنا فريقين ده بيبقى اساسى لان طفلى التانى ولد ومابيجتمعش زوقهم الا نادرا فى لعبه واحده اتمنى اكون وضحتلك الوضع