إشرح وفهمني وش أصل الحكايه
وش أبعدك وأول بروحك معايه
أظلمت دربي عقب ما كان نيّـر
*****
صارحني يمكن دون ماقصد جرحتك
سرك بقلبي لا حشا ما فضحتك
ياما ترجيتك وياما نصحتك
لياك بينك وبين غيرك تخيّر
*****
إن كان تبغاني فأنا حيل أبغاك
اطلب عيوني وكل ما تطلبه جاك
إلا إني انسى .. حتى لو قلت أبنساك
أكذب وسرب الشوق يمك بطيّـر
*****
بعدك وقربك لي يحدد مصيري
والموت لا صرت يا غناتي لغيري
راجع ضميرك قبل أراجع ضميري
حبل الكذب يا من خدعني قصيّـر
وسلامتكم
منقول