من قال لك أن الكتاب خير جليس
عميت عيوني و بالي حيل محتاس
لا يبادل المشاعر ولا يبادل الأحاسيس
مغير أقلب صفحاته و أعد أنا القرطاس
وين اللي طلته تطرد عنك الهواجيس
هنوف ما تنوزن بالذهب و الألماس
كنت ما أبالي إذا غابت يوم الخميس
و اليوم لها أسبوع وحالي أنا منحاس
ثيابي مجدعه في كل غرفة كيس
والدار يتعب على تنظيفها كناس
أكلي أصبح مثل برنامج تخسيس
وجبه أكلها باليوم والكيف منحاس
غرتني ذيك الأيام يوم أنا عريس
ما حسبت لأربعين يوم يسمونها أنفاس
قال المثل تعزب دهر و جنب أبليس
و لا تتعزب شهر ويشيب فيك الرأس
أسهر الحالي بالدار لا حس و لا ونيس
والنوم جافيني من كثرة الهوجاس
وجدي أنا عليها مثل وجد قرينيس
للصاحب اللي خوته صعب تنقاس
أو وجد من سقاه الدهر كاس خسيس
وجد راشد العبدالله في غيبة دباس
من قال لك أن الكتاب خير جليس
والله ما يطرب الرأس غير شم الأنفاس
والله ما دروا عنا .
يعطيك العافية على المشاركة
صمت البداااوه
شكرا على المشاركة
لكن ليش ما درى عنك!!!
mano83
تستاهلي و بالتوفيق
كيرلي
تتزوجين و تعرفين أن شاء الله
يعطيك العافيه يارب والله يهني الجميع ويوفقهم
….
كيرلي
الرجل يوصف شوقه لزوجته لما ولدت وراحت عند اهلها مده الاربعين النفاس وانه كيف مشتاق لها وكيف حياته محتاسه دونها يعني ملابسه واكله تغير صار عزوبي زي اول ويتكلم عن الكتاب انه ما يرد عليه مثل لو كانت زوجته معاه 
….
صراحه الشعر مررره جناان
يعطيك ربي الف عافيه
على راي جدتي الله يرحمها …….
ناس لها بخت وناس لها رقاد التخت
أنا حاطه شنطتي وشنطة البيبي اللي بروح فيها عند أهلي عند وجهه يعني
وهو داخل وهو خارج مقابلته .. يقولي
شيلي ها لشنط من أشوفها يضيق صدري ..
وأنا متعمده احطها >>>>>>>>خخخخخخخخ 
والقصيده حطيتها له على سطح المكتب علشان كل مره يفتح الكمبيوتر يقرأها .