يبه ماعاد فيه صغار..يموج بهالزمن كل شي..
وحنا ماتموجنا..على ذاك العهد نسري..
نبيع العمر والدنيا..ولا تخلف بنا ظنونك
يبه شلونك ؟؟تبي تدري عن اخباري ؟؟
عن افكاري وتذكاري ؟؟
؟؟؟؟؟؟؟؟؟؟؟؟؟؟
اشيلك داخلي جمره ..وبعيون الحزن عبره..تغرقني .. وتحرقني..
اشوفك نجمة تجبر..مراعيها .. يراعيها..
واشوفك للرجوله اسم..اذا شد الزمن تقسى..واحلم من معاني الحلم..احسك مقبل بكرى..وعيا لايجي بكرى
!!
يبه تذكر زمان مر؟؟
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صلاة العيد؟ وبشت العيد؟
يبه تذكر سوالفنا ؟
لاجل هذا ..
وكل هذا ..
اقول اليوم يايبــه ..
ملــــــــــــــل هالكون من دونك
يبه وينك ؟؟ …. ولهت لنظره من عينك ….
يبه وينك ؟؟
اشوفه طوّل غيابك !! … و من ودّاك …. ما جابك !!
قالوا ما يدوم الزين !! … و انا عندي امل للحين ..
و لكني اعرفك وين !!
يبه وينك ؟؟
عسى الداعي يبه بس خير ؟!!
عساك بخير …. مداين تكرم لعينك …
بس ارجوك علمني …
علمني .. يبه وينك ؟؟
سألت امي عن رجوعك … ولا كني اعرفك وين !!
و قالت .. ما يدوم الزين !! … و انا .. عندي امل للحين ..
في رجوعك !! …. يبه بس تكفى علمني ….
متى رجوعك ؟؟ …. يبه بس تكفى علمني .
وش احلى من طلوع اثنين ؟؟
طلوع الشمس …. و طلوعك
يبه وينك ؟؟
سألت امي …… غيابك طال ؟؟
ولا كنّي اعرفك وين !!
و قالت مثل ما قالت .. حسافه …
ما يدوم الزين … مع كل هذا صدقني .. انا عندي امل للحين !!
سؤالي عنك يالوالد .. صار كما الموال
و اشوفه طال … والله طال ..
حزين .. بلحنه و حروفه … يخاف .. يموت من خوفه … و قلب ٍ كان اقوى قلب … ضعف .. من قسوة ظروفه ..
..يبه ..
ارجوك علمني
تشوف اللي انا اشوفه ؟؟
انا اشوفك نهار و ليل …
في وسط المجلس تصلي .. و تدعي الرب ييسر لي ..
يبه ..
ما عاد بي من حيل .. وين الحيل ؟؟
و انا اشوفك نهار و ليل .. مع اني ادري ما ترجع !!
غريبه .. بعدها تدمع .. عيوني من هموم البين !! …. و ادريبه مكانك وين !! … مع َ هذا ..
ارد و اسأل !!
يبه …. وينك ؟؟
و لا كني اعرفك وين !! شبكت العشر في غيابك … على راس ٍ كساه الشيب .. و من
وداك … ما جابك
..
و لا ادري وش يخبي الغيب !! … و جرح ٍ عذ ّب احبابك …. يبه ..عيّا يخف و يطيب !!
يبه.. كل جرح في الدنيا .. مصيره بالدوا يلتم … و لكن البلا من جرح ..
نزف فرقاك … بليّا دم !! … و هذا الفرق في جرحي … عجز يلقا الدوا دكتور .. انا جرحي
غريب الطور !!!
ينزف … بس بليّا دم .. و زاد الهم فوق الهم … و دام انك يبه غايب … جروح الغيبه ما
تـلتم ..
بس عندي امل للحين !! … و لا كنّي اعرفك وين !!
يبه .. ذكراك تفرحني ….
في نفس الوقت تجرحني !! … لا من جبت في طاريك … دموعي غصب تفضحني ….
يبه .. تذكر ليالي الصيف ؟؟
عرس الحي .. و رقص السيف ؟؟
و كرم قلبك معَ هـالناس .. كل ٍ كان في بيتك ضيف ..
الا يا حيف …. الا يا حيف ..
زمن قاسي .. زمن قاسي …
اخذ مني بلا رحمه … اخذ مني اعز ناسي !!
و خلاّ لي سهر هالليل .. في عيني ضيف .. الا يا حيف !!
يبه وينك ؟؟
تعال و شوف …
كبرنا مثل ما تمنيت … درسنا كل ما حبيت .. نصلي مثل ما وصيت .. و ندعيلك في كل
ظروف ..
يبه وينك ؟؟
تعال و شوف .. صحيح الدنيا ما ترحم ..
تجرعنا التعب انواع … و لكن الأمل ما ضاع ..
و انا عندي امل للحين !! … و لا كني اعرفك وين !!
يبه تذكر شطانـتـنا ؟؟
انا و اخواني و اخواتي … معانا عيال حارتنا ..
نلعب في زوايا البيت .. يبه … والله انا حنيت ..
لذاك الوقت في وجودك … الا يا ريت … الا يا ريت …
ترجع .. يا يبه حنيت ..
حسافه الدنيا ما ترحم …
خذت منا سعادتنا … خذتك بعيد .. و خلتنا !!!
يبه امي تذّكرنا … بأيامك قبل ما تروح … تناديها.. يا روح الروح ..
تغازلها و تنظر لك .. مثل طفله … ملامحها عشق مفضوح …
في ذاك الوقت .. كنا صغار …
معَ هذا … كنا نغار ..
عليها .. او بعد منها … كنا نغار
نحبك يا يبه … ارجع .. مثل شمس الفجر .. اطلع
حزينه الشمس في غيابك .. و نفس الحزن في احبابك .. واخاف الشمس من حزني ..
تغيب و ما بعد تطلع !! .. يبه ارجع !! … اذا لي خاطر فـ قلبك ..
تعال و زورنا بس يوم … مع انه ما يكفينا .. نشوفك يوم .. نبي حضنك يدفينا .. و نشوفك
دوم ..
لكن قلّت الحيله … و يمكن مـ البطا ضاعت ..
و قلنا يوم !!
يص … قبل ينشف حبر الأقلام ..كلامي بعده ما خلّصبه سامحني بترخّ ..
و لكن موعد الأحلام .. حان ..
ولازم اوفي له.. بعد ما ضاعت الحيله .. اشوفك والوعد باكر !!
اذا فكّر يجي باكر ..!! .. و برجع اسألك وينك !!
بس لازم تجاوبني .. ترى عندي امل للحين !! .. و لا كني اعرفك وين ..!!
يبه شلونك ؟
ملل هالكون من دونك
يبه شلونك ؟
وتمضي رحلة الدنيا … بليا طلة عيونك
لاجل هذا … وكل هذا … اقول اليوم يابـيـي
ملل هالكون من دونك
ملــــــــــــــل هالكون من دونك
يبه وينك ؟؟ …. ولهت لنظره من عينك ….
مرحباااااااااا حنين
نقل وإختيار موفق ..
صراحة قصيدة مؤثره جداً ..
كأنها نبشت الذكريات والماضي.. ( رحمه الله )
قرأتها مراراً ودعيت لكِ وللشاعر بالتوفيق ..
تعال و شوف .. صحيح الدنيا ما ترحم ..
تجرعنا التعب انواع … و لكن الأمل ما ضاع ..
كانت لي وقفة عصيبة والله المستعان ..
سلمت يمناك ِ
لكِ مني صادق الود
دانة جدة
مروركم افرحني واحزنني
والله يرحم والديكم ووالدي والديكم والمسلمين اجمع
والحقنا بهم على خيييييييييييير
وعسى الحزن مايطول علينا
يارب رحمتك ""
السلام عليكم ورحمة الله
قصيدة رثاء رائعة .. لن ننسى من فارقونا .. لن أنسي أبي وأمي وأخي .. لن أنسى الخال والعم والقريب والصديق .. ولن ينسى الجميع موتاهم ..!
يبه شلونك ؟
وتمضي رحلة الدنيا … بليا طلة عيونك
لاجل هذا … وكل هذا … اقول اليوم يابـيـي
ملل هالكون من دونك
قصيدة بالفعل مؤثرة جداً .. وقد يصعب على البعض التعايش معها بسبب ( اللهجة ) .
هنا يجب أن نتذكر ان ملك الموت قد تخطانا لغيرنا .. وسيتخطي غيرنا إلينا .
رحم الله أمواتنا واموات المسلمين جميعاً .. ورحمنا الله ونسأله حسن الختام .
جزاك الله خيراً على النقل الطيب والمؤثر .
حفظك الله وحفظ لك والديك الكرام .
قصيدة رثاء رائعة .. لن ننسى من فارقونا .. لن أنسي أبي وأمي وأخي .. لن أنسى الخال والعم والقريب والصديق .. ولن ينسى الجميع موتاهم ..!
نعم يا قلم صادق لن ننسى لكن ثلمة فقد الاب والام لا تعادلها ثلمه فهم نور الدنيا
وخاصة ممن هم لم يرزقو بأبنا تشغلهم عن الحزن هم بهجة الدنيا ::::
قصيدة بالفعل مؤثرة جداً .. وقد يصعب على البعض التعايش معها بسبب ( اللهجة ) .
اعرف انها لهجة نجدية بحته لكني لما قراتها تاثرت وانهارت دموعي لها وخاصة عند ذكر معالم الافراح مثل العيد والاعراس واماكن في المنزل وكاني اتخيلها مصورة امامي
فقلت الذي لايستطيع فهمها قد يعيشها :::
ومع ذلك كلماتها مقبلوه وقدتكون مفهومة :::
حفظك الله وحفظ لك والديك الكرام
اميـــــــــــــن ::::
فالصمت أبلغ!!!
شكرآ لك يالغاليه..
الله يحفظ لي والديني يارب ويرزقني برهم
ويحفظلك والديك يا حنونتي الغاليه
مؤثره فعلا هالقصيده وكلماتها نابعه من القلب
جزاكي الله خير
واسفه اذا اني قلبت مواجع
صراحة انا الابيات خنقت عبرتي الله يحفظ ابوي وامي يارب :::
هلا بك يا ام ريان
بسم الله عليك من الدموع يالغلا
شكلي حزنتكم ههه
:::
ما يدوم الزين … مع كل هذا صدقني .. انا عندي امل للحين !!
الحمد لله على كل حال
رائعة جدا
وجزاك الله خيرا لتدوينها في فيضنا
وفقك الله