السلام عليكم ورحمة الله وبركاته
أثناء قراءتي أمس لمقال عن أسرار الدماغ البشري أصبت بذهول
وأنا أقرأ عن حالة نادرة جدا بين البشر … تسمى السينيسيجيا
ما أصابني بالذهول هو أن هذه الحالة تقريبا تصيب صديقتي العزيزتين ,
وهما لا تدريان 
Dandon & Dandosh
في هذه الحالة الإشارت العصبية الواردة من أحد الحواس
لا تصل فقط إلى مركزها بالدماغ بل , قد تصل لمراكز حواس أخرى .
فنجد صاحب هذه الحالة , يقرأ الكلمات فيشم لها رائحة , وقد يتذوق لها طعم .
Dandon & Dandosh تسمعان الكلمة فتريا لها لون 
هذا يعني أن عصب الأذن يوصل الإشارة لمركز السمع في الدماغ
ولمركز الإبصار أيضا !
ومما يتميز به أصحاب هذه الحالة , ذاكرة حديدية , ما شاء الله
وهذا ما لمسته واضحا جليا في Dandoon
وحتما هو موجود بالتوأم الثاني Dandosh .
وأسأل الله أن ييسر لهما حفظ القرآن وحديث نبينا الكريم عليه أفضل الصلاة والتسليم.
واستثمار هذه المقدرة.
الأغرب !! أن أصحاب هذه الحالة قادرون على تسميع أي مقال حفظوه بشكل عكسي ,
Dandon & Dandosh يمكنهما أيضا كتابة وقراءة أي موضوع بشكل عكسي !!
من الأمثلة النادرة التي عرفها الوسط العلمي , صحفي روسي ,
خضع دماغه للدراسة والتحليل لفترة طويلة ,
ترك مهنة الصحافة وعمل في السيرك ,
إذ كان يبهر الجمهور بحفظه لأي كلمة أو جمله يكتبها الجمهور له ,
لا بل ويقرأها بشكل عكسي !!!
Dandon & Dandosh حالة نادرة وخارقه معنا في المنتدى
ولو علم عنهما أساتذة البحث العلمي في مجال تشريح الدماغ لدفعوا الملايين
مقابل بحث بسيط ومقابلة معهما
(وضكم الآن في خطر ممكن تتعرضوا للخطف بأي لحظة )
وكما ذكر المقال : ربما يصيبكم الإعجاب بذاكرة وقدرات أصحاب السينيسيجيا
(بدي أردّ العين عنهم ) ,
ولكن لا تنسوا أن هؤلاء الناس يحسدونكم على نعمة النسيان.
———
المراجع :
1. مدحت صادق , أسرار الدماغ تتكشف قليلا ….قليلا , مجلة العربي
2.Dandosh بنت أبو Dandosh ….شاركينا: صفاتك المميزة، المضحكة و الغريبة! , منتدى لك
موضوع رائع يا ام عمر بس هم وين التوأم المدهش لا يكون انخطفوا
ما انخطفت
اشتقت للمنتدى كتييييييييير
شميت ريحة الموضوع وجيت
فنونة يا قمر.. شو هالموضوع الحلو .. و الله خش مخي و الله العليم أنو كلامك مزبوط.
بس المشكلة مو عارفة انطق الكلمة…
بس اذا ما عليكي غلبة هاتي الكلمة بالانجليزي خلينا نلاقي كم مقالة عنها
فنونةياقمرالله يسعدك …
تنا هيني هون كمان ما انخطفت .. بس عندي مشكلة بالكتابة بالعرب .. لو تشوفي كيف حايسة و انا عم بكتب (طيب تزيديهاش يا دندون كتير اخلصي )
بصراحة اول مرة بعرف عن هالموضوع ، (بس الاسم صعب يخرب بيت اليهود) و عجبني الوضع و اول شي عملته اني بعتت الرابط لزوجي عشان يعرف الهنا اللي هو فيه ( من زمان كان يحكيلي انه اكيد مزعل امه من 13 سنة و دعت عليه )
بس بتعرفي .. جد بحسد الناس على نعمة النسيان .. يا اختي بتذكر اللي اله داعي و اللي ما اله داعي .. متل ما حكيت بموضوع دندوش حافظة اسماء اللي كانو معي بالتخصص كاملة .. تواريخ ميلاد كلللللل اللي بعرفهم .. اسماء اولاد و احفاد و زوجات و ازواج المعارف و القرايب … ارقام التليفونات .. حتى نادرا ما استخدم ذاكرة الموبايل للاتصال و بحس انه اسرع لو كتبت الرقم لحالي !! قولو ماشاء الله
بس هاي الشغلة مززززعجة كتير .. موقف بايخ جدا لما حد يلاقيني حافظة معلومات شخص تاني سواء بالشغل او الجامعة .. انه يعني شو هالاشي المهم حتى تتذكري كل هالتفاصيل عنه .. و خدي عاد شرح اني بتذكر الكل مش شخص بذاتو
كلللللل يوم الصبح .. اول شي بفكر فيه هو تاريخ اليوم .. و على طوووول بمر شريط قدام عيوني بالاشياء اللي صارت بهاد التاريخ في السنين الماضية .. ما ببالغ والله .. بس شغلة متعبة جدا
طولتها كتير
كتريلنا من هالمواضيع فنونة .. و اذا في حواليك حد بده يعمل بحث احنا بخدمة العلم و العلماء ( بس الحساب بالساعة لو سمحت)
) الكلمة مكتوبة بالعربي , حاولت اكتبها انجليزي وأبحث ما طلع معي شي , أكيد مش عم بكتبها صح الله يسعدك دندون , (إحنا بخدمة العلم والعلماء) ضحكتيني
ما شاء الله عليك ِ
من هلأ بحكيلك بدي ارجع عالبلد أسمعلك القرآن … مفهوم
طلعتي لنا الثنائي المختفي من فتره
وشــفت موضوع دندوش المرجع..
ياحلييييلكم ضحكتوووني ..
ايه والله بسومه…أخيراً شفناهم…
تسلمين أم عمر على هذه المعلومات…
..
نعمة الحفظ نعمه وأي نعمه..
ماشاء الله تبارك الله..
موضوع ظريف أم عمر..
تشكري..