أتمنى تنال أعجاب الجميع ,,
البارحه صبر وسفر بال وآمال
والحزن يرتع فالظلوع النحايل
تغيب ماغاب لك فالقلب تمثال
وتجي على طرق السهر والمثايل
امسيتني واصبحت في دوحة البال
واصبحتني وامسيت مانيب قايل!
ياللي غرامك رحله أقصارها أطوال
صارت وورتني نجوم القوايل
رح والله ان القلب لو لاك مامال
والحب يصنع فالقلوب الهوايل
الله يسامح حبة الخال والشال
والله يسامح بالبريد الرسايل
ماقلتلك مالك عذر يوم تختال
ولاقلت خصرك ذنبه انه تمايل
ماكل شئٍ اتشوفه العين ينقال
ولا كل برقٍ ياعيوني يخايل
والهرجه اللي لازم اليوم تنقال
الوقت ذله والمصايب تهايل
انت العرب يوم العرب حالهم حال
وانا ضمير اليعربي والقبايل
لاتعتذر ماجيت ابى منك معدال
لو شلت مني منك مانيب شايل
جيت اشربك والعيد بارد ودجال
مهوب عيد المسلمين الاوايل
تقرى تبارك في صلاتك والانفال
واكثر صلواتك رياء وتحايل
دمك مثل دم الاضاحي ليا سال
مير القهر لاصار ماهوب سايل
عاد انت تفهمها ترى فالك اعقال
ماتقبل انصاف الحلول المسايل
أن كان ماناقف مواقيف الابطال
طيحة عزيز .! ولا وقوف إمتمايل.!
دمتم بحـــــــب ،،
السلام عليكم ورحمة الله
شكرا لك على هذا النقل الطيب ..
أن كان ماناقف مواقيف الابطال
طيحة عزيز .! ولا وقوف إمتمايل.!
راااااااااااااااااااائعة .
حفظك الله .
انت العرب يوم العرب حالهم حال
وانا ضمير اليعربي والقبايل
ان كلام القصيده من ذهب والله ذكرنا بغالي رحل من الابطال
ان ذكرت الرجوله والمراجل يذكر اسمه
وعز الله يا ستار مابه منك بالدار سيوفك على الكفار ومخربين الدار
لك المجد والعزه ياابو سطام
شكرا لك
ع المرور
تقبلي مروري
يالغلااااا ويسلمو ع المرور
رائع ماكتبتي….
سلمتي على الموضوع الرائع
تقبلي مروري
اختك نوووووووف
يصلمو ع اللطش
…….