*****************
1كيلو دقيق – 8: 9 بيضات -20 جم ملح -40 جم زيت زيتون
نصف المقدار:
1/2 كيلو دقيق – 3 :4 بيضات – 10 جم ملح-3 معالق طعام عادية زيت زيتون( لو لنفس اليوم) او زيت ذرة (لو العجينة هتبات لتانى يوم)و تترك لترتاح قليلا
التجهيزات:
اولا بنفرد العجينة بالنشابة قليلا
و لانها صعب تتفرد جدا فمحتاجة ماكينة و ده شكلها و هى معروفة جدا
الماكينة فيها كذا مكان لكذا نوع من انواع التقطيع و لها مؤشر به ارقام على الجنب
اولا نستخدم الجزء الاملس لترفيع العجينة باننا ناخدها من اعلى درجة من الدرجات مثلا لو عندك من 10 و بعدين لما تطلع ندخلها تانى على 9 ثم 8 و هكذا لحتى درجة 1
هتكون كده جاهزة لعمل اى شئ منها
اولا : اللازنيا
نقطع العجينة على قد القالب او الصينية اللى هنعملها فيها و محتاجين 3 طبقات
و بعدين نسلقهم فى ماء مغلى به زيت(حوالى 2 لتر ماء عليهم 1/2 كوب زيت)لمدة 3-4 دقائق ثم ننشلها و نضعها فورا فى ماء مثلج
نحضر البشاميل و هو عبارة عن1/2 كوب دقيق نحمره فى1/2 كوب زبدة لكن بدون تغيير لونه يعنى نسويه شوية و بعدين نكون غالينا 1 كيلو لبن وبعدين نضع قليل من الدقيق بالزبدة مع اللبن ثم نضع اللبن على الدقيق بالزبدة و نقلبه
فى القالب نضع قليل من البشاميل ثم طبقة لازانيا ثم خضار او لحم و بشاميل ثم لازانيا ثم خضار و بشاميل و اخيرا لازانيا ثم بشاميل و جبنة رومى مبشورة وتدخل الفرن حتى يحمر وجهها
وده شكلها النهائى
ثانيا :الكانيلونى Cannelloni
نقطع قطع مربعة من عجينة المكرونة و تحشى باللحم المفروم مع البصل وتلف رول مثل السيجار
http://www.goutera.se/img/cannelloni-stor.jpg
و ترص فى صينية مدهونةبالبشاميل و يوضع بشاميل على الوجه و جبنة مبشورة
و شكلها النهائى
هنبدا باجزاء الماكينة الاخرى ندخل فيها العجينة لنحصل على الاتى:
الجزء اللى بيقطع شرائط العجينة رفيعة بيعطينا النودلز Noodles
الجزء اللى بيقطع شرائط العجينة عريضة بيعطينا
البابرديلى 
و الاقل عرضا بيعطينا الفوتوتشينى
الفوتوتشينى fettuccine
اللى بنسلقه زى الازانيا و ننشله و نستخدمه
ممكن نعمل معاه صوص البولينيز Bolognese sauce و اللى ممكن نستخدمه ايضا مع الكانيلونى
المقادير:
ثلاث معالق كبيرة زيت زيتون- جزرة-بصلة حمراء كبيرة
-ثلاث اربع كوب كرفس مقطع-125 جم لحم مفروم-150 جم لحم بيف-2 كوب طماطم كاملة-2 معلقة كبيرة معجون طماطم-ملح-فلفل-2 معلقة سفرة كريمة.
الطريقة:
نسخن الزيت على حرارة متوسطة ثم نضيف الخضار و يطبخ لمدة دقيقتين
ثم نضيف اللحم المفروم و لحم البيف وتطبخ حتى تكون اللحمة بنية اللون حوالى 15 الى 20 دقيقة
ثم نضيف الطماطم و معجون الطماطم و ربع كوب ماء و ملح و فلفل
تغطى و تطبخ على نار هادئة لمدة ساعة تقريبا
ثم نشيلها من على النار و توضع الكريمة الثقيلة
وده شكله النهائى
الرافيولى ravioli
نقطع العجينة قطع مربعة مشرشرة و نضع الحشو فى المنتصف(الحشو:جبنة قريش و زعتر و سبانخ مفرومة) و تقفل من الاطراف
خامسا :
الترتلينى tortellini
نقطع العجينة قطع مربعة و نضع الحشو فى المنتصف (الحشو:لحم بيف مفروم مع خضار)و تقفل مثل القطايف و نضغط على الطراف بشوكة و ممكن نلفها على صوابعنا و تكون مثل الوردة
و يتم تسويتهم فى صلصة طماطم نكون مجهزينها على النار و بعدين تصب فوقهم و يدخلو الفرن ايضا
و بنفس العجينة نعمل الفارفيلى farfalle
قطع مربعة مشرشرة نضمها من المنتصف لتصبح مثل الفراشة و تسلق كما سبق
يعطيك العافية يا قلبى
انا عملت نصف المقدار عمل صنيتين و اتبقى كتير شلته فى التلاجة
كان نفسى اصورها بس للاسف ما عنديش كاميرا رقمية