كيف حالكم ؟؟
انا لما بحثت عن الحلبه وفوائدها للشعر .. لاحظت بعضهم يمدحونها انها تكثف وتطول وتنعم الشعر وتمنع التساقط ..
وبعضهم يقلون شعري رااح تساقط وصار خشن !! قمة التناقض ..
انا ابي الي جربتها تقول لي التجربه … وشو نوعية شعرها
عادي ولا جاف ولا دهني ..
انا نوعية شعري عادي .. هل تنفع لي !!
ارجوكم لا تبخلون علي !!
الله لا يحرمها الاجر الي ترد علي ولو برفع موضوعي ..
اختكم في الله ..
دعواتكم با الهدايه لي ..
تنعيم كثافة طول للشعر
انا راح اخبرك بحكايتي مع تساقط الشعر والحلبة….
شعري طويل وطوله مزعج وكان كثيف وتسريحه والعناية به وغسله يحتاج تعب ويديني تعورني وجاف شويه بس نوعيته حلوة وسط لاهو ناعم ولا هو خشن يتجعد طبيعي زي ميريام فارس
المهم لااطول عليك… بدأ التساقط وجن جنوني عليه وكل شيء جربته ورحت لكل طبيب وطبيبة لهم تجارب في علاج تساقط الشعر دون جدوى مع اني اسمع علاجهم الناجح لغيري واستمر الحال لمدة خمس سنوات وشعري نزل الى النصف تقريبا !!
في الاخير ومن شهرين تقريبا فكرت في الحلبة وانا احبها جدا في الاكل خصوصا مع الثوم!
فخصصت ليلتين بالاسبوع اغلي كمية صغيرة من حبيبات الحلبة والزعتر ( لرائحته العطرة) واصبها على فص ثوم مهروس بحيث يطلع السائل منه … بعدين اصبه على شعري وهو دافئ افضل واخليه ثلث ساعة ثم اغسله بالماء وفي اليوم الثاني بالشامبو ..
والله لاحظت نتيجة رائعة من ثاني مرة تقريبا قل التساقط 90 بالمئة ! بس الريحة يااختي فظيعة بالبيت كله واقل نقطة ماء على شعري تنتشر الريحة حتى في الوضوء والمخدة والفراش صاروا مشكلة …. مقدرت اصبر على هالحال وقطعته والريحة ظلت يمكن شهر زيادة ماهي راضية تروح…
بعدين فكرت وقلت بما اني لاحظت الفايدة السريعة وانا احبها كثير كطعم ليش هذا المغلي مااشربه احسن؟؟؟؟
وصرت كل ليلة اشرب كوب من مغلي الحلبة مع ملعقة عسل متوسطة مليانة وادمنت على السالفة هذي وصرت استعجل بكوبي كل ليلة والحلبة دخلت دمي منها تفيد شعري وتفيد كل جسمي ونظمت لي الدورة بعد بس توهقت بغزارتها وطول ايامها
المهم مازال شعري في تحسن و عقبالك واعذريني طولت عليك وسامحيني ان اخطأت
انا استخدم الحلب لشعري العادي ماستغني عنه
والي يقولون انه يساقط الشعر يمكن الحلب الي شارينه منتهي او خربان
فاذا بغيتي تشترين روحي لعطار معروف
الي اعرفه ان الحلبة تنعم الشعر اذا امتزجت بالزيت
لكن للامانة عمري ما جربتها
ان شاء الله الي جربوها يفيدوك بنصيحتهم الاكيدة
وعطيكم ردي ..