وهونسائي متخصص
أكتشفت منتدي زوجي الخاص وكل أعضائه ذكور
يعني أشمعني أحنا
ولكن صدقا هو منتدي متخصص باترد علي النصاري وما شاء الله الله يحميهم
ولكن فؤجئت بزوجي ذات يوما يضحك ويكتم الضحك حتي لا أراة
فعملت مش واخدة بالي
وفتحت نفس الصفحه اللي كان بيقراها ومش قادر يمسك نفسه من خلال الهستوري
ووجدت عضو من الاعضاء بالركن الترفيهي لهم كاتب هذا المقال
تعالي شوفي بيدبروا ايه
فاصل ونواصل
وحشـــــــــــــــــــــــــــــــــــــتونى جداااااااااااااااااااااااااااااااا
أحضر لكم بعض الطرق الجديده لمكافحة النكد
1-الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان ..اشمعنى انت ؟
ولو حاولت ترجع تنام تانى قالها مادام صحيتى حضري الفطار بقى ياروحى
2-اذا كنت بتتفرج على التلفزيون وهى عايزة تغير القناة ….. قالها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كله …. ولو كنت بتتفرج على ماتش كورة هيبقى الموضوع اسهل ….. كل ما حد من اللاعبين من اى فريق يمسك الكورة قالها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فى واحد مصاب ملاحظة(معظم النساء يكرهون الكره بصفة عامة)
3-اصحى يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبيات لاعداد طبق بيض وسندوتش جبنة
ويراعى فى هذة الطريقة/ ترك اثار سمنة على الارض مع ترك التلاجة مفتوحة وقشر البيض فى الحوض
4-فى عيد ميلادها زين لها تورتة عيد ميلادها بخمسين شمعة ولو سألتك لية خمسين رغم ان عندها 15 سنة بس ؟ اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة مع ابتسامة صفراء خفيفة
5-لو عاملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات 00 يرعى التجول وانت مستمتع بأكل الجاتوة امامها
6-متنساش رأيك فى طبيخها لو عاملة لحمة قالها حلو اوووى الفراخ دى 00ولو طبخة بامية 00 جميلة اوى الملوخية دي ياحياتي حطة عليها اية ؟؟ ولو عملة كيكة قالها انا بحب
اشرب شاى مع البسكويت الحلو دة !!
7-لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقول لها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !
8-لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية
9-لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟
10-وانت قاعد تتفرج على التلفزيون
وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقول لها حبيبتى معلش ممكن كوبية مية علشان ظهرى بيوجعنى
فهي الحرب أذن
بس خلى بالك لو جوزك ابتدى اى حاجه من دول جهزى دفاعاتك اول باول
بس كل ده هزار طبعا هما ميقدروش يعملو ربع الكلام ده لانهم بيرجعو من الشغل مش شايفين أدامهم
وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقول لها حبيبتى معلش ممكن كوبية مية علشان ظهرى بيوجعنى
انا ضحكتنى الحته دى اوىىىىى يمكن ى فعلا الى اصدق انهم ممكن يعملوها لان الباقى اولا خراب بيوت ثانيا مش كل الرجاله بترضى تنشر
ثالثا ببساطه شديده اى كوبايه يكسرها قوليله هات بدالها
هههههههههههههههه ربنا يعينك ياحبيبتى
شوفي اذا زوجك بدأ يطبق أي حركة قولي لة على مين تلعبها هههههههههه وطلعي لة الورقة اللي انتي طابعتها من الكمبيوتر راح ينحرج وماراح يعرف اش يقول
اجهزوا يا ستات الحرب قادمة
النساء قادمات
ومتنسوش ياستات
ان كيدنا عظييييييييم
طيب يورونا شطارتهم وهم يشوفوا ال هيجرالهم لو اتفقنا عليهم
بس والله موضوع لذيذ اوى شكرا حبيبتىام رودى
هموا بيعملوا التصرفات دى قاصدين ؟؟؟؟؟؟؟؟؟؟؟
وقعتهم ………. ان شاء الله
ههههههههههههههههههههه