الطعميه و سر طعامتها تعالو شوفوا يا طعميين 2024.

الوصفه بتاعتى ( الاول كنت بعملها من غير الحمص و كان طعمها

حلو لكن كانت بتتحمر بسرعه و من جوه عايزه سوه شويه فالازم تتحمر قوى علشان جوه يستوى لكن كان بيطلع

طعمها حلو) بعد ما عملتا بالحمص و السر اللى هاقولكم عليه بقيت اعلى النارو اقلى و تطلع من جوه و بره عسل )

الوصفه نص كيلو فول مدشوش + كوب حمص و انقعهم مع بعض من باليل و الصبح فى الخلاط او الكبه بتاعه ا

للحمه و افرمهم مع بعض بس نصفى الميه خالص و تشطفيهم و نديهم فرمه شويه و بعدين نحط حزمه بقدونس

مش كتير متقطع و ورق البصل الاخضر شويه صغيرين و بصله متوسطه الحجم و فص توم صغيرو نفرمهم كويس

لغايه ما يبقى ناعم قوى الكميه دى بعمل منها اربع مرات جوزى و انا و بنتى سنه و نص لما تيجى تقليها تعملى

ايه تجيبى الكميه اللى هاتقليها و تحطيلها فى وعاء كبير و غويط و تضيفى الملح و شويه كسبره ناشفه و شويه

كمون صغيرين كله مطحون و رشه كربوناته و تقلبى و تسبيها 10 دقايق و سر الصنعه تجيبى مضرب البيض اليدوى و

بتقلى هاتحسى انك و اقفه قدام و بتاع طعميه و انتى مستنيه تاكليها الصوره فى الرد اللى جاى

الصوره دى لفطار جوزى كان نفسه ياكل فول و طعميه (الفول عمايل ايدايا انا عملته فى البيت)

[IMG][/IMG]

عنجد بيشهي
انا بموت بالفلافل
و هيك كان رد فعلي

الامل الجميل تسلمى يا عيونى تصدقى قمت الصبح بدرى قوى عملت خبز اسمر لان جوزى و انا نموت فيه مع الفول و الطعميه و عملت سلطه و ادناها على الصبح بس ايه ياسلام جربى انتى بقى و اعملى بنفسك ساندوتشات لبنان

تتطرى و مايخدش سوى كتير و الصبح احطه فى الفواله المخصصه للفول و معاه ميه تغطيه بشويه كده و معاه

فص توم و طماطمايه و اسيبهم على النار العاليه اديله غلوه واحده و بعدين احطه على العين الصغيره و اوطى عليه

خالص و كل مالاقى الميه قلت احط كوب ميه ليه علشان الميه لو حطيتها مره واحده كتير هاتاخد لون الفول و

هاتبقى سمره او غامقه لكن لما تحطى شويه شويه هاتبقى ميته فاتحه و على كده لغايه ما يستوى و بعدين لما

يبرد احطه فى علبه زجاج و فى التلاجه و يقعد معاى لغايه 10 او 15 يوم حسب الاستخدام و لما تعوزى تاكليه

تطلعى الكميه اللى محتجاها و تسخنيها و بعدين تحطى الملح و الكمون و الليمون و زيت الزيتون و بالهنا و ممكن

تعمليه بكذا طريقه يعنى ممكن تشوحى فلفل قرون بعد ما تقطعيه فر الزيت و بعدين تحطى الفول و بعدين تبهريه و

ممكن تشوحى طماطمايه بد التقطيع و تسبكيها مع الزيت و تحطى الفول زى الاول و تبهريه و بالف هنا انا عارفه

انى بطول فى الكلام لكن احب ادى اللى عندى و كمان الطعميه تقسميها حسب ما تحبى و تحطيها فى الفريزر و تبقى

معاكى مده شهر و لما تعوزيها طلعيها لغايه ما تفك و بس

او اى شىء من الجزاره لبعد مسافه البيت عن اماكن شغله فا عملتله ساندويتشن طعميه و لما رجع قالى هاتعملى 5

او 6 ساندوتشات بعد بكره لانه رايح نفس المكان بتاع النهارده تبع شغله سألته ليه قالى ان الراجل الايطالى اللى

معاهم ماسك الشغل داق منه و عجبته الطعميه قوى و قاله ياريت تجبلى منه قلت اطلب و اتمنى انا اللى جبته

لنفسى و احسن اعمل و ابيع ههههههههههههه بهزر طبعا