وطريقتة سهلة جدا
وتاني يوم نغسله ونصفي ميته ونسلقه في ميه نضيفه
البصل او الورد زي ما بيقولوا عليه
مش اوي
بعصر الطماطم وادق التوم
واحمر التوم في شوية زيت
واحط عليه الطماطم المعصورة
واحطلها الملح والفلفل والكمون والشطة
واسيبها لحد لما تتسبك وبعدها ازودها ميه مش كتير اخففها بس واسيبها تغلي
وكده خلصنا الصلصة
المكرونة
بغلي ميه وبحطلها ملح ولما تغلي اسلق فيها المكرونة
ولما تستوي اصفيها وابردها بالمية تحت الحنفية
واحطلها شوية زيت واقلبها علشان متلزقشي
الصور دي هنزلها بس نسيت اصورها المرة دي
العدس
نغسله وننقعه 12 ساعة
وبعدها نسلقه مش اوي لان نضيفه للرز
لو مش هتحطيه علي الرز ممكن تشوحي فصين توم في شوية زيت وتقلبي فيهم العدس بعد السلق مع 12 كوب ميه وتسبيه لحد لما يتشرب الميه
هنا انا سيبته يتصفي علشان ازوده علي الرز
وساعات كتير بصفي ميه سلق العدس واسيبها واسقي بيها الرز
بتدي الرز طعم حلو اوي
نحمر الشعرية في الزيت اللي صفيناه
ونزود الرز بعد لما نغسله طبعا
ونزود الميه عادي جدا والملح
ولما يتشارب نوطي عليه
وبعدها بشوية لما يقرب يدخل في السوا نحط عليه العدس
ونقلبه ونسيبه لحد لما يستوي
الدقة
انا بدق حوالي 3 فصوص توم وبعدها بحطلها شوية مية وخل والملح والكمون
وبحطلها معلقة صلصة بتاعة الكشري اللي عملتها في الاول
الشطة اللي بيحب الكشري مشطشط
بحط شوية زيت علي النار
وبحط معلقة الشطة وبقلب شوية علي النار
دقيقتين بس
ونطفي النار ونقلب فيها معلقة من صلصة الكشري وكده خلاص
ونبدأ نجمع الطبق
ونقدمه
وبالهنا والشفا
تسلم ايدك
شكله جدا شهي ولذيذ
ريته الف صحه وهنا عليكم يارب