اولا تجيبى الباذنجان و تقشريه و تحطى فى مصفاة و ترشى عليه ملح و بعد نص ساعة هتلاقيه نزل ماء اطفيه و سيبيه يتصفى و بعدين اقليه فى الزيت لغاية مايبقى لونه دهبى و طلعيه على مناديل
ثانيا تجيبى بصلة متوسطة مبشورة و فصين توم مبشورين و تحطيهم فى حلة و عليهم ملح و فلفل اسود ورشة قرفة صغيرة و4 ملاعق كبيرة زيت
نولع النار و نقلب المكونات شوية لغاية ما البصلة تصفر و تدبل شوية
نضيف اللحمة و نقلب بحركة داءرية عشان اللحمة ماتتكتلش لغاية ما اللحمة لونها يتغير
نوطى النار و نسيبها 10 دقايق اللحمة هتنزل ماء نحط معلقتين كبارصلصة و نقلبها كويس و ندوبها فى ماء اللحمة و نزود ربع كوب ماء او نحط كوب عصير طماطم و نص معلقة صغيرة سكر و نسيبها على النار تلت ساعة تتسبك
نرص الباذنجان فى الصينية و نضيف عليه اللحمة بالصلصة و ندخله الفرن لغاية ما نلاقى الصلصة بتغلى
نشغل الشواية خمس دقايق
و بالهنا و الشفا
ممكن ناكلها بالعيش او جنب رز ابيض
لو بنحب الحراق ممكن نضيف فى السواء شطة
تسلم ايدك
كتبت بواسطة fgr500 
صحة وعافية
كتبت بواسطة أيوتا العفو يا ايوتا
طبعا ممكن مسقعة بالبشاميل هى تكون بنفس الطريقة و نحط على وشها البشاميل و ندخلها الفرن
ده رابط البشاميل أسهل و أسرع طريقة للبشاميل,المهلبية,الرزباللبن