في البدايه اليكم المقادير
نص كيلو مفتول جاهز
ثلاث بصلات مقطعين بالنص و اذا في بصل صغير الحجم بكون احسن حطي صحيح + بصله مفرومه ناعم
علبة حمص حب جاهزه او حمص منقوع من المساء الى الصباح
قرع مقطع
جاجه
حبة فليفله حاره حسب الرغبه
ملعقه صغيره كمون ناعم
ملعقه كبيره عين جراده او اسمها بالانكليزي dill seed
مكعبين ماجي
ملعقة كبيره كركم
ملعقه صغيره هيل مطحون
ملح
الطريقه
بتحطي القليل من الزيت بالطنجره ثم تسقطي الجاجه للتتحمر قليلا ثم بتغمريها بالماء و بتتركيها لتغلي و بتشيلي الزفره و بعدها بتضيفي الكركم و الهيل و الملح و بتغطي الطنجره
بتحطي بالمدقه البصل المفروم و الفلفل الحار و الكمون و الجراده و بتطحنيهم جيدا بالمدقه و بتتركيهم جانبا
الان بتجيبي زبديه و بتحطي فيها الماجي و ماء ساخن و بتحركيهم حتى الماجي يدوب تماما
و بتفرغي علبة المفتول بصحن و بتحطي فوق المفتول البصل المهروس و الماجي المذاب و القليل من الزيت و بتحركيهم جيدا
الان بتضيفي الحمص للدجاج
و بتحطي المفتول في طنجره البخار الخاصه بالمفتول و بتضعيها فوق الجاج
و بتتركيهم حتى يستوي الجاج نصف استوى الان بتضيفي البصل و بتتركيهم على النارمع تحريك المفتول باستمرار و تغطيته جيدا حتى لا يتسرب البخار
و قبل ان يستوي الدجاج بحوالي 10 دقائق بتضيفي القرع لان القرع دغري بيستوي
و في نفس الوقت اللي بتحطي في القرع بتوزعي على وجه المفتول زبده و بتغطيها الى ان تستوي
و هذا الشكل النهائي للطبق
و الف صحه و هنا
تسلم الايادددددددددددددي
حبيبتي المفتول هو الكسكس بس في دول بسموا كسكس و الباقي مفتول انتي اختاري
انت مع مين الكسكس ولا المفتول انا مع المفتول انتي مع مين
كتبت بواسطة اريج الشام 
حبيبتي المفتول هو الكسكس بس في دول بسموا كسكس و الباقي مفتول انتي اختاري
انت مع مين الكسكس ولا المفتول انا مع المفتول انتي مع مين
لاااااااااااااااااا يا اريج هيك بزعل منك 
, الكسكس بكون انعم بكثير من المفتول , المفتول بكون طابات صغيرة بس الكسكس انشف و انعم , المفتول ببلاد الشام و فلسطين خاصة و الكسكس للمغرب ووانا بشجع الاكل الطيب لذا انا مع ال2 تعااااااادل
