هاي الاكلة تعلمتها من سيسي(سواد العيون) ومن ميسو الله يرضى عليهم
وعملتها اول مرة برمضان وكانت النتيجة تحفة
هي عنجد خطواتها كتيرة بس النتيجة روعة
على بركة الله نبدأ
المقادير
دجاجتين مقطعين من النص يعني كل جاجة مقطعة قطعتين الفخد والجناح مع بعض
رز طويل استعملت رز الوليمة
بهارات صحيحة( قرفة عيدان ورق غار لومي فلفل اسود وبهار حب وهال حب )
قرن فلفل اخضر
بصلتين او اكتر
مستكة
مقادير خلطة الدجاج
2 حبة بندورة
بصلة
سنين تومة
قرن فلفل حار وفلفل حلو
ليمونة مقشرة
بنحطهم كلهم بالمحضرة
بنفرمهم ناااااعم كتير
بنحط عليهم ملح وعصفر وجميع انواع البهارات المطحونة اللي متوفر عندك
وبنحط عليهم شوية زيت زيتون
بعد تنضيف الدجاج منيح بنصب الخلطة عليه وبنخليه منقوع طول الليل او 4 ساعات
بنحط الجاج مع الخلطة تبعته بصينية وبنحط عليه قصدير وعالفرن بده ساعة ونص تقريبا
وبس يستوي بنحط فحمة بنكون مولعينها وبنحطها بفنجان في شوي زيتوبنغطيها بالقصدير كمان مرة
بعد 5 دقايق بنحمر الجاج من فوق لحتى ياخد اللون الحلو
بالنسبة للرز
بنكون ناقعينه بمي دافية
بطنجرة عالنار بنحط شوية سمنة وبنفرم بصلة ناااعم
بنحط البصلة ومعها البهارات الصحيحة والمستكة وقرن الفلفل
بنقليهم شوي مع بعض
بنحط مي عليهم وازا توفر مرقة لحمة بنحطها
بنخليهم يغلو شوي وبنضيف مكعبين ماجي
بنحط الرز عليهم وبنسلقه عادي
في اثناء استواء الارز
بنجيب بصلة كبيرة بنفرمها
بنحطها بقلاية مع شوي زيت وبنحط عليها شوية ملح وبهارات
وبنحط عليها عصفر او كركم او كاري
بنقليها منيح
بنفتح الطنجرة وبنحفر حفرة صغيرة بالرز وبنحط البصلة وبندفنها
بنجيب فحمة مولعة
وبنحط فنجان في زيت ووبنحط الفحمة وبنغطي الطنجرة
بنطفي عالرز وبنخلي الطنجرة مغطية 10 دقايق
بنقلي صنوبر لوز وزبيب
بنحاول نشيل البهارات الصحيحة من الرز
بنحط الرز بصحن التقديم
وبنرش المكسرات والزبيب وبنحط الجاج المشوي عليها
بنقدمها مع اللبن الرايب والسلطات
وهي صور الطبق النهائي وبتمنى يعجبكم
هون كنت عاملته عزومة
هون الاوزي كنت منزلة طريقته من فترة
* وصفة متميزة* الاورزي الفسطيني مشاركتي بالاسبوع الشامي تفضلو ……
في امان الله
طبق شهي وطريقة حلوة
تسلم ايدك وسفرة عامرة
يعطيك الف عافية
كتبت بواسطة _-* أم زياد *-_ 
طبق شهي وطريقة حلوة
تسلم ايدك وسفرة عامرة
يعطيك الف عافية
واديكي يارب ام زياد
تسلميلي يارب ومبسوطة انه عجبتك
وبدي اجرب رز الوليمه ولامره جربته طالع معك بيجنن
صحتين وعافيه
لاني تقريبا عاملة نفس الاطباق
صحتين وعافية مجود
والعز للرز
كتبت بواسطة بيتي حياتي وبدي اجرب رز الوليمه ولامره جربته طالع معك بيجنن
صحتين وعافيه
على قلبك ام حسن ياريتك قريبة على كنت سكبتلك صحن مرتب هههه
جربي لهاد الرز كتير روعة ومابشرب مي كتير وما بخبص حتى لما اكون عاملة طبخة عادية بحط منه مع الرز العادي بطلع تحفة
Sent from my iPhone using منتديات لكي app.
الحمد لله الذي سخر لنا هذا وما كنا له مقرنين
🚶
كتبت بواسطة وعود الخير لاني تقريبا عاملة نفس الاطباق
صحتين وعافية مجود
والعز للرز
ههههه على قلبك يارب ام عدي
وعنجد العز للرز
Sent from my iPhone using منتديات لكي app.
الحمد لله الذي سخر لنا هذا وما كنا له مقرنين
🚶
ماشاء الله مجود
طبق لذيذ وبيشهي
حرم الله جلدك ومن تحبين على النار (^_^)
كتبت بواسطة أم غيث2017 ماشاء الله مجود
طبق لذيذ وبيشهي
حرم الله جلدك ومن تحبين على النار (^_^)
الله يسلمك يارب يا ام غيث ولك بالمثل حبيبتي
Sent from my iPhone using منتديات لكي app.
الحمد لله الذي سخر لنا هذا وما كنا له مقرنين
🚶