السلام عليكم ورحمة الله وبركاته ..
معي لكم يابنات طريقة عجينة للفطائر والكروسون والبيتزا وغيره .. وغيره .. وغيره ..
تصلح لجميع المعجنات .. لا ومضمونة بعد بإذن الله .. بس هاه إذا سويتوها لا تنسوني من دعوة صادقة في ظهر الغيب .. 
نشوف العجينة سوا ياحلوات ..
فطائر بالزبدة
المقادير…
3/4 2 كأس دقيق .
1/2 1 ملعقة أكل خميرة فورية .
1/4 فنجان سكر .
1/2 ملعقة صغيرة ملح ناعم .
1 بياض بيضة .
1 أصبع زبدة 113 غ .
1 كأس حليب سائل .
صفار بيضة لدهن الوجه .
الطريقة…
*- تخلط جميع المقادير ما عدا الدقيق في الخلاط .
*- ينخل الدقيق ثم يصب عليه الخليط ويعجن جيدا حتى تتماسك العجينة ثم تترك لترتاح لمدة ساعة تقريبا .
*- تفرد العجينة وتقطع وتحشى حسب الرغبة…ثم يدهن الوجه بصفار البيض وتخبز … وبالعافية.
""""""""""""""""""""""""""
وين ؟؟؟ لاتطلعون 
معي لكم طريقة ثانية جدااااااااااااا رهيبة .. 
نشوفها سوا ..
فطائر بالزبادي…
المقادير…
3/4 2 كأس دقيق .
1 علبة زبادي صغيرة .
1/2 كأس حليب سائل .
1 ملعقة اكل خميرة فورية .
1 ملعقة صغيرة بكنج باودر .
1 ملعقة أكل سكر .
1 بيالة زيت .
بياض بيضة .
صفار بيضة لدهن الوجه .
الطريقة …
*- تخلط جميع المقادير ماعدا الدقيق والبكنج باودرفي الخلاط ..
*- ينخل الدقيق ويوضع عليه البكنج باودر .
*- يصب الخليط السابق على الدقيق ويعجن جيدا ثم تترك العجينة لمدة ساعة تقريبا لترتاح (( العجينة تكون لينة نوعا ما )) .
*- تفرد وتقطع وتحشى حسب الرغبة ثم تدهن بصفار البيض وتخبز….وعوافي عليكم
الحين بسلامتكم اطلعوووووووووا بس على المطبخ علشان تسوونها وتدعون لي 
يالله .. السلام عليكم 
اول مرة بصراحة اشوف البياض لوحد عالمعجنات نستنى منك طرق ثانية
img] الف شكر لك
ماعمري سمعت ان الزبادي يستخدم بالفطاير
اكييييييد راح اجربه
تحياتي لك
جــزاك الله خـيـر الـجـزاء فـي الدنـيـاوالأخـره …
طــريـقـه حــلـو ة ونـاجـحـة …
السلام عليكم ورحمة الله وبركاته
غاليتي .. الرها .. مشكورة ياغالية على مرورك الطيب .. وجربي العجينة وبتضبط معك بإذن الله .. بس هاه ضروري تكون الخميرة جديدة
حفظكِ الله ..
السلام عليكم ورحمة الله وبركاته
عزيزتي .. لِيلْيَم
تسلمين ياعسل على هالطلة الحلوة .. وبصراحة العجينة جدااااا رائعة .. بس أنتِ جربيها وأدعي لي ..
دمتِ في حفظ الرحمن
السلام عليكم ورحمة الله وبركاته
الحبيبة .. noshe ..
مشكورة ياغالية على هالحضور الحلو .. وبإذن الله العجينة راح تنجح معاكِ ..
بس لاتنسيني من دعوة صادقة في ظهر الغيب ..
حفظكِ المنان ..
السلام عليكم ورحمة الله وبركاته
الغالية .. مثايل ..
الشكر لله أولا .. ثم لحضورك الحلو ياعسل ..
وبصراحة الزبادي واللبن جدااااااااا رائع في المعجانات ..
لا وأزيدك من الشعر بيت .. يحطون الحين في العجينة بدل اللبن شوربة اللحم أو الدجاج .. لا ويقال إن العجينة تطلع رهيبببببببببببة .. بس أنا ماجربتها ..
حفظك الله ورعاكِ ..