اخواتى ادخل فى الموضوع فورا
انا بقالى حوالى شهرين ألا بيسيط اعانى من مشاكل عند اهلى فى بيتهم انا طبعا متزوجة ومتغربة مع جوزى
والمشاكل عندهم من كل اتجاه امى عايزة تطلق بعد 30 سنة زواج ولها كل العذر فى ذلك
وأختى عايزة تسيب خاطبها اللى هو يسكن فى نفس العمارة وساعة عايزة تسيبة وساعة تقول انها راضيت بيه وفى بداية الامر خالص اهلى رفضو هذا النسب خوفا من اى مشاكل تعكر الجيرة لكنها اقنعت اهلى انها موافقة على هذا الشاب وبعد فترة قصيرة حوالى شهرين كل شوية تقول مش عايزاه برغم انه لم يقصر فى اى شىء معها وهذا بشهادتها هى نفسها واختى جمالها عادى و25 سنة وزهقتنا جداً ويمكن كتبت قبل ذلك عن مشكلتها
ومما ذاد الطين بله اليوم بكلم ابى على النت ولجل الحظ السىء السماعات عنده بايظة فكلمته عن طريق الشات بالكتابة وجلست اكلم ابى واقول له انها ليست جملية ولازم تعرف امكانيتها وكام واحد جه وشافها ولم ياتى مرة اخرى وكلام كتير كتير وبابا قام من على الجهاز لحظات فقرأت اختى كل شىء وكتبت لى حسبى الله ونعم الوكيل فيه طبعاً وانى اخرج من حياتها وانا مثل المصعوقة الوم على بابا اللى لم يحطاط
بكيت لحد لما جفت دموعى وعرفت ان اختى اصابت بحاله من الصريخ والصويت
ماذا افعل انا حاسة هنجلط اهلى دول كلهم انا شايلة همهم لدرجة حياتى اتأثرت وفى نهاية المطاف اختى ترانى بهذه الصورة
بيتنا هناك مولع نار مشاكل امى وابى من ناحية ومشاكل اختى من ناحية اللى انا ختمتها
انا خلاص تعباااااااااااااااااااانه قوى مش عارفة اقول ايه التفاصيل اكثر من كدة لكن الكلام خاننى وفر منى
اعمل ايه
هدى نفسك يا حبيبه كده وصلى على النبى وبلاش تقولى حنجلط دى تانى بعد الشر عليكى حبيبتى من الجلطه ربنا يخليلك اولادك وزوجك هما كمان محتاجينك اوى ومحتاجينك اكتر من اهلك انتى ليه بس شايله الهم كده ومحمله نفسك فوق طاقتك
كده المواضيع دى تأثر على حياتك وبيتك وزوجك وكده يمل استهدى بالله
انتى ايه اللى تقدرى تعمليه وانتى بعيد عنهم غير انك تهدى المواضيع وتدعيلهم
بلاش تزعجى زوجك بالمواضيع دى وربنا يهديلك الحال ويفرج كربك يارب
بجد الموقف اللي انتي فية لاتحسدي علية خاصة كل الكلام اللي قلتية عن اختك واللي هي اكتشفتة اعتقد صعب انها تتقبل منك أي شي على الاقل لفترة طويلة لأنها حست إنها انجرحت من أقرب الناس لها واعذريني على كلامي بس هذي الحقيقة
أما مشكلة أمك وأبوك أعتقد تحتاج وقت يمكن إن شاء الله يحنوا لبعض ويتذكروا الأيام الحلوة اللي جمعتهم وإنتي كمان ذكريهم بالمواقف اللي صارت بينهم واللي انتي لسة فاكرتها وقولي لهم عن شعورك وقتها كيف كان لعل وعسى …
أهم شي الدعاء في جوف الليل اشكي همكِ لله وتضرعي لة فهو الرحيم بعبادة وتذكري أنة ينزل للسماء ليسمع شكوانا وتضرعنا ويستجيب لنا …
الله يفرج همك ويطمنك على أهلك
ربنا يكون معاكـ يا حبيبة .. قدر الله وما شاء فعل .. ماليكش غير إنك تدعيلهم .. وطبعاً صعب جداً على أختك إنها تقرى الكلام دا .. بس دي إرادة ربنا ..
ممكن تكلميها وتستسمحي منها وحطي في بالك إنها ممكن ما ترضاش .. قوليلها إنتي أختي وحبيبتي وأنا ما كانش قصدي أضايقك .. بس أصلو الشباب اليومين دي عايزين مانيكان متحرك ومواصفاتهم بقت صعبة وكلام زي دا .. وقوليلها لو مسامحتينيش حبقى منكدة ومتضايقة أوي .. وإن شاء الله ترضى .. إنتوا أخوات ..
وبالنسبة لمشكلة مامتك وبباكـ .. دي ربنا يحلها من عندو إدعيلهم وبس . ماليكش حل غير دا ..
بس إوعي يا حبيبة تنكدي على زوجك .. حيطق ومش حيطيق البيت خالص .. إشكي وإبكي لربنا .. وماتبوظي علاقتك بيه .. ممكن وإنتي هادية تسأليه : طيب أعمل إيه ؟؟ << طبعاً لو كان عارف المشاكل دي .. وخدي بالك من نفسك ومن ولدك وبنتك دول أهم حاجة عندك ..
اللــــــــــــــــــــــــــــــــــــــه يكون معاكـ ويطمن قلبك ويرضي أختك ويريح بالهم كلهم ..
ماتنسيش ربنا أبداً .. وما تيأسي ولا تستسلمي للضيق خالص ..
ان شاء الله المشكلة دى تعدى على خير
لازم اختك تتاكد انك لم تقصدى ماقلتى
و فيه ناس كثيررررر جدا بيلجاوا للحيله دى لما تكون بنت شايفه نفسها شويه
و اكيد هى عارفه كده
و طبعا مفيش داعى تتدخلى فى محاولات الاصلاح بينها و بين خطيبها مره اخرى ابداااااااا بل تؤكدى مرارا و تكرارا انك ((( جيتى تكحليها عمتيها )))
و ياريت تبعتى لها رساله بهذا المعنى
و ان شاء الله هى حتصدق لان هى دى الحقيقه
انتى كان قصدك من الكلام ده ان تصلحى بينهما لكن للاسف تاتى الرياح بما لا تشتهى السفن
واكيد حبك لها و مواقفك السابقه معها سوف تشفع لك عندها
و بعدين رب ضارة نافعه
مش يمكن تفوق شويه ؟؟؟؟؟
ربنا معاكى حبيبتى
و هونى على نفسك
فانت لا تملكين لها الا النصيحه
و ربنا يهون عليك حبيبتى
وعليك بالدعاء لهم ولا تشيلي هم أمام أولادك وزوجك
مشكله مامتك وباباكى الله يوفق بينهم ويرجع الحال احسن مما كان وما عليهم إلا الدعاء وحل ما بينهم من خلافات علشان خاطر أولادهم
ومشكله الخلاف مع أختك قوليلها انك قولتى الكلام ده لأنك أكتر واحده خايفه على مصلحتها
وبعدين طالما العريس ما فيهوش عيب كبير – بإعترافها – يبقى تتوكل على الله وتستخير
وكونها بتتدلل عليه وشويه توافق وشويه ترفض قوليلها يمكن يزهق وهو اللى يسيبها
قوليلها تفكر بعقلها شويه وانك انتى اقدر منها على الحكم لأنك اكبر منها فى السن واكتر خبره فى الحياه منها
وكلامك عليها لمصلحتها وكمان قوليها ( يابخت من بكانى وبكى عليا ولا ضحكنى وضحك الناس عليا )
ومسيرها تهدى شويه بعد اللى قرأته وتعرف انك قصدك مصلحتها
وكل ما السن بيتقدم بيها العرسان حيقل مستواهم ومميزاتهم ( مش قصدى المستوى المادى ) قصدى الصغيره قدامها تختار براحتها لكن لو كبرت بتقل الاختيارات قدامها وده كان غرضك من الكلام اللى قولتيه وهو لمصلحتها لأنك أدرى منها
وكمان فى حاجه مهمه ان اللى كانت مخطوبه قبل كده يمكن فى عرسان بيترددوا فى التقدم ليها ولا إيه رأيك؟
سامحينى طولت عليكى
ربنا يوفقك ويوفقها بس خلى بالك حاولى المشكله دى متأثرش على بيتك
وفى البيت معلش يتحملوا شويه إنك بتمرى بمشكله عائليه
ولازم زوجك يقف جنبك فى ازمه زى دى ولو حتى انه يفوت وميوقفش ع الواحده ويقدر اللى انتى فيه
اسأل الله أن يفرج همك وييسر لك كل عسير ويصلح بينك وبين اختك
وبين والدتك ووالدك
إنت أصلك علشان شخصية جميلة وحساسة أوي فتعبك كلام أختك أوي
معلش حاولي تكلميها وتفهميها قصدك بكلامك وربنا يسهلها وصدقيني هيا هتلاقيها مش زعلانة منك هيا بس هتلاقيها علشان متضايقة أصلا فدا كان رد فعلها
وربنا يهدي مامتك وباباك وأختك ويخليكي لزوجك واولادك
بصراحة مش عارفة أقولك غير كدا بس بجد ربنا يعمل اللي فيه الخير
كتبت بواسطة yehia2017 
هدى نفسك يا حبيبه كده وصلى على النبى وبلاش تقولى حنجلط دى تانى بعد الشر عليكى حبيبتى من الجلطه ربنا يخليلك اولادك وزوجك هما كمان محتاجينك اوى ومحتاجينك اكتر من اهلك انتى ليه بس شايله الهم كده ومحمله نفسك فوق طاقتك
كده المواضيع دى تأثر على حياتك وبيتك وزوجك وكده يمل استهدى بالله
انتى ايه اللى تقدرى تعمليه وانتى بعيد عنهم غير انك تهدى المواضيع وتدعيلهم
بلاش تزعجى زوجك بالمواضيع دى وربنا يهديلك الحال ويفرج كربك يارب
كتبت بواسطة ســومــا بجد الموقف اللي انتي فية لاتحسدي علية خاصة كل الكلام اللي قلتية عن اختك واللي هي اكتشفتة اعتقد صعب انها تتقبل منك أي شي على الاقل لفترة طويلة لأنها حست إنها انجرحت من أقرب الناس لها واعذريني على كلامي بس هذي الحقيقة
لكن اللى تعبنى مشكلة اختى والحال اللى وصلت ليه بسببى
والصورة اللى هيه فهماها عنى دلوقت لكن ربنا يعلم ماذا اتمنى لها