وين ماروح
اشوف طيفك
وين ماروح
في وجه الشمس لوطلت
في صوت الساعه لو دقت
انتي الوقت
وانتي الصمت
وانتي النور والظلمه
وانتي الفرحه والاحزان
أعزم في هواك…. انساك
واشوف طيفك…
ينسيني عن النسيان
مابين الناس يطلع لي
من تحت القاع يطلع لي
من فوق الغيم يطلع لي
ينام حتى..
تحت رمشي
أشوف طيفك اذا فتحت
واذا غمضت.
وعيونك احس فيها
تلاحقيني..
تلاحقني..
على دربي تسابقني
احس فيها..
مرسومه على البيبان..
على الاغصان..
على سطح القمر والشمس
وسط عين الامل واليأس
أحس عيونك الحلوه
مرسومه على كفي
واحس بلوعتي وضعفي..
على النسيان
وين انسى
وانتي الذكرى والنسيان؟
وين انسى
وانتي الوقت
وانتي الصمــت
وانتي النور والظلمه
وانتي الفرحه والاحزان.
