النهارده حقدملكم طريقه جديده للمسقعه وتنفع للعزومات وشكلها شيك 
المكونات 
بدنجان كبير بس يكون طويل شويه
حبة فلفل حلو مقطع صغير
حبة طماطم مقطعه صغير
عصير طماطم+م صلصه طماطم
4فص توم
ربع كيلو لحمه مفرومه
بصله مبشوره
قرن فلفل حراق(اختياري)
صلصة بشاميل
مشروم مفروم (اختياري)
ملح وفلفل وكمون وبهارات مشكله
الطرييييييييييييقة
نقطع البدنجان شرايح بالطول يعني نقطعها بطول البدنجانه وبعد كده نقليها او نشويها في الفرن( نرصها في صينيه ونرش عليها زيت ونحمرها)
الحشوه
نسخن الزيت ومعاه البصل لما يدبل نضيف المشروم المفروم ونقلبه شويه وعلطول نضيف اللحمه والفلفل الحلو والحراق ونقلب شويه ونضيف البهارات ومكعب ماجي واخيرا مكعبات الطماطم وشويه من عصير الطماطم ونتركها علي نار هاديه تستوي
الصلصه الحمرا
في طاسه نشوح التوم المفروم وعلطول نضيف عصير الطماطم +صلصة الطماطم وملح وكمون وبهارات
نجيب صينيه مستطيله
نضع فيها شويه من الصلصه الحمرا والبشاميل
نحضر كل شريحه بدنجان ونحشيها بحشوة اللحم ونرصها في الصينيه فوق الصلصه وبعد كده نضيف الصلصه احمرا واخيرا نرش البشاميل علي الوجه وندخلها الفرن حتي يتحمر وجهها وتقدم مع الرز الابيض
وبالهنا والشفااااااااااااااااااااااا
يارب تعجبكم
وصفاتك حلوة يا عسل
ننتظر وصفاتك الجديدة وياريت مع الصور
يعطيك العافية
وناطرين وصفاتك المصورة إن شاء الله تعالى
وفى انتظر المزيد
وكل عام وأنت إلى الله أقرب