بارك الله فيكي اختي حنان والله يجزيكي الف خير
اختي بالنسبه للصبغه ما رح تلاقيها الا في محلات الحلويات انا بشتريها لما انزل على فلسطين وتضل عندي فتره محتفظه فيها ما تخرب
والصبغه حبيبتي ما الها علاقه بالشكل
عجينة الكنافه ما في الها مقادير محدده تتبع الصينيه الي بتستخدميها
والمهم في عجينة الكنافه ما تكون ناشفه واذا شفتيها نشفت فقط رشيها رذات خفيفه من الماء حتى تحسي انها رطبه فقط على الخفيف واخلطيها
اذا بدك تكون ناعمه افرميها حسب الدرجه الي تفضليها اما بالسكين او المقص
وبعدها على نار هاديه قلبيها بالسمنه والصبغه حتى كلها تتخلط والسمنه كمان رح تطريها
ارفعي منها مقدار 13 على جنب للطبقه التانيه
الباقي رصيه بالصينيه واضغطي عليه وحاولي وين فيه فراغات عبيها واضغطي
بعدها الحشو بالنسبه للحشو فيكي تنوعي اما بالجبنه البيضا
او الجوز مع القرفه وفي ناس كمان تضع معه جوز الهند كيف حشوة القطايف
وفي ايضا حشوة القشطه فيكي تستخدمي العلب
وفي كمان البالوظه وهي الحليب المعقود مع السميد بنسبه 3 ك حليب + 12 ك سميد+ 1م ك سكر +3-4 حبات مستكه مطحونه
كل هذا على النار مع التقليب حتى تثخن وديريها فوق الكنافه
وزعيها فوق الحشو واضغطي عليها قليلا وراعي الحشو ما يطلع
الان خلصنا تجهيز للكنافه ضعيها بالفرن بدون غطا وجهزي القطر لازم يكون ساخن
حاولي ما تكون النار حاميه خليها على 350 وراقبيها كل شوي ارفعي طرفها بسكين واتاكدي من القاع اذا اشقر بعدها اقلبيها على صينيه تانيه بنفس الحجم وادخليها الفرن مره اخرى
بعدها سقيها بالقطر الساخن ورشيها بالفستق الحلبي
ارجو ان اكون وفقت في اعطاءك المعلومه الازمه
واي استفسار يا هلا فيكي