جمعه مُباركه أخواتي
بمّا إنو اليوم الجمعه والغدا بكون ثقيل قررت أعمل حلو خفيف ظريف وما بكلّف كثير..
عندي عجينة مربعات البف باستري جاهزه فقررت أعمل : الميل فاي والكرواسان بالشوكولاته إكسبرس لذيذ
خلينا نبلّش ب الميل فاي, منحتاج ل :
مربعات البف الباستري الجاهزه
500 مل كريما السائله (2 كوب)
2 ظرف دريم ويب بطعم الفانيل
2 كأس حليب
[IMG]http://www.lakii.com/img/all/Sep12/gjPYDV09211200.jpg[/IMG
الطريقه:
منحط المربعات ع صينيه فيها ورق الخبز ومنرش عليهم سكر بودره ناعم ومنخزقهم بالشوكه منيح عشان ما ترتفع,منحطهن بفرن 180 درجه مئويه لمدة 20-25 دقيقه او لما يصير لونهن ع ذهبي ويستوو.
بعد ما نطلعهم منقسم كل مربع لقسمين وطبعا بتكون حشوة الكريما جاهزه(منخفق الكريما والدريم ويب والحليب مع بعض لحد ما يتماسك لمدة دقيقه),ومنحط من الخليط على كل مربع وبصير عنا طبقتين كريما و 3 طبقات بف باستري وع الوجه منرش سكر بودره ناعم.
هاي بعد ما طلعت من الفرن
وهاي الصور النهائيه
أما اللآن منيجي لكرواسان الشوكولاته السرييييييييع
المواد:
عجينة مربعات البف باستري
شوكولاتة الحليب
الطريقه:
منجيب المربع منحط فيه قطع الشوكولاته ومنلف لحد ما يتسكر,بعدين منحطهم بصينيه مع ورقة خبيز منفرشيهم ببيضه مخفوقه مع شوية ماء ومنرشهم بسكر عادي ومنحطهم بفرن 160 درجه مئويه لحتى يستوو ويصيرو لون ذهبي.
وهاي صورة الحلوين مع بعض
أسهل من هيك وأطيب من هيك ما في بتمنى تجربوها 
في أمان الله
يعنى طلعنا باصرة انا وانت نفس الشىء اليوم عملت عجينه الباف
صحه وهنا على قلبك يا رب
الله يسعدك حبيبتي ويخليكي شايفه شايفه طلعنا متفقات اليوم من حسن حظي
تسلميلي
عبير الوداد
الله يسلمك خيتا بنصحك تجربي كثير لذيذه
الله يسلمك حبيبتي ويسعدك يا رب
ولذيذه ومنظرها شهي,,تسلم إيدينك ومشكورهـ
على الطرح الرائع يارائعهـ.
Sent from my iPhone using منتديات لكي app.
الحمد لله الذي سخر لنا هذا وما كنا له مقرنين
🚶
حبيبتي الله يسعدك ويخليكي يا قمر
مجد الاقصى
حبيبتي الله يسعدك يا هلا بإم الوطن الغاليه.. احنا عنا شتراوس وتنوفا واوسيم هاي اكثر شركات بتنباع فيها هاي الشغلات