عندى سؤال بالنسبه لعمل الجبنه القديمه فانا لدى مش قديم جدا جدا و هو ما يطلقوا عليه خميرة الجبنه وضعت عليه 3 كيلو من اللبن الرايب منذ اسبوع و اريد ان اضع عليه الجبنه القريش ولكن اخشى ان تفسد منى فهل لها طريقه معينه مع العلم انه لا تتوفر الشمس عندى ارجو سرعه الرد و جزاكم الله عنا كل الخير
اختي العزيزة ليس ضروري وضعها في الشمس
جهزي الجبنة القريش بوضعها في الملح قطعة قطعة حتي يغطيها وضعيها في مصفاه كام يوم حتي ينزل كل ماؤها وتكون جافة وناشفة
ثم قومي برصها في البرطمان وقومي بتصفية المش و ضيفي عليه كام ملعقة ترمس سليم علي فلفل اسود خشن وبصلتين سلام مشقوقين شق خفيف بالسكين وضيفيه علي الجبنة وممكن شطة قرون جافة حسب الرغبةوغطيها وافتحي عليها بعد اسبوعين وقلبيها بيديك تقليب خفيف ولو المش قديم قوي هتلاقيها استوت ولوا لمش جديد هيكون قدامها شوية حسب نوع المش المهم كل فترة افتحي وقلبيها حتي لو مش هتاكلي منها وحتي بعد ما تستوي لكي لا تفسد وبالهنا والشفا ولا تنسيني بطبق منها محترم
وشكرا لك على التوضيح