السلام عليكن ورحمة الله وبركاته
اريد اعمل كنافة بالقشطة ولكنها غير متوفرة عندي
هل يمكن استبدالها بالساور كريم اللي هي الكريمة الحامضة؟
شكرا وكل عام وانتن بخير
انا ما عندي خبرة كبيرة بهالموضوع .. لكن أظن انو الساور كريم قريب على اللبنة
يعني ما بينفع بديل للقشطة
ممكن تعمليها بالجبنة او بالمكسرات يا قمر .. يعني تغيري عن القشطة ازا
ما كانت متوفرة عندك .. ما بعرف ازا البنات هون عندهم طريقة لصنع القشطة المنزلية
ان شاء الله يفيدوكي حبيبتي وكل عام وانت بخير
حليب وسميد ورشة فانيلا تخلط المكونات وتوضع عالنار حتى تصبح شديد ة القوام وتستنيها لتبرد و تستعمليها
أو تعملي القشطة من الحليب والنشا والفانيلا متل المهلبية لكن أثقل شوي وتستعمليها كبديل
إذا بتحبي القشطة حلوة ضيفي سكر حسب الرغبة للنوعين
إن شاء الله أكون أفدتك
القشطة اللي بالبيت ألذ و أطعم
حطي كوبين حليب مع كوب سكر على النار لحد ما يغلوا و بعدين بلشي ضيفي سميد
و حركي لحد ما يصير قوامها متماسك زي المهلبية العادية
و ضيفيها فوق الكنافة
علي مجهودكن ونصائحكن
وتاكلى بالهنى