كيفكم حبيباتي وينعاد عليكم عيد الفطر بالخير والعافية حبيت اشارككم اليوم بأكلة بحبها كتير وكتير طيبة وسهلة وان شاء الله تعجبكم وتيجي على خاطركم
صدر دجاج مسحب مقطع الى شرائح رفيعة
2 بصل كبار او 3 حجم وسط مقطعين الى شرائح رفيعة
4 فصوص ثوم مدقوقين مقدار ملعقة كبيرة
علبة وسط من الفطر المقطع
ملعقة كبيرة خردل
ملعقتين كبار من صويا صوص
علبة كريما سائلة للطبخ حجم 200 مل
ملعقة صغيرة حامض لتخفيف دسامة الكريما بالاكل
نبدأ بسم الله
نقلي البصل بشوية زيت وعلى نار هادئة حتى يذبلوا ويبلش لونهم يميل الى الاصفرار
ثم نزيد فوقهم الثوم المهروس ونقلبهم مع بعض لدقيقتين
بعدين نضيف الدجاج المقطع ونقلبهم ونتركهم حتى ينضج الدجاج وتنشف من الماء
نضع الفطر المقطع ونقلبهم
ثم ملعقة الخردل ويقلب الكل سوا سوا
وملعقتين الصويا صوص
واخيرا الكريما وهاي صورتها
ونحركهم وتنركهم يغلوا على نار خفيفة لحوالي ربع ساعة بس لازم ننتبه ان نحركهم من وقت لاخر حتى ما يلزق شي بالكعب قبل ما نطفي النار نزيد ملعقة الحامض كما قلت لتخفيف دسامة الكريما وتقدم مع البطاطا المقلية واللي بيحب مع الارز الابيض
يا رب تكون الطريقة واضحة وتعجبكم وتجربوها لانها صدقوني طيبة وكل مين داقها عندي عجبته
وصحة وهنا على قلوبكم
تسلم يدك
بأختي .. Rahf ..
نورتي والله وشكرا لمشاركتك!!!
الله يجبر خاطرك انت الوحيدة اللي عبرتيني
هيئتها الاكلة ما عجبت حدا
ما بعرف ليش؟؟
اظنها اكلة ايطالية .. وباين عليها لزييييييييييزة
باذن الله اجربها
تسلم ايدك ام اسامة
مين قال ماعجبت حدا شكلها كتير لذيذة وبدي جربها
بس عبفكر ضيف الها سور كريم بلا دسم
شو رائيك بعتقد بيمشي الحال بجرب وبخبرك
وتسلم ايدك ياااااااامورة
كل عام وانت بخير
ينعاد عليك وعلى اهلك وعيلتك بالخير والصحه والسلامه يا رب
بعدين شو هل ستروغنوففففففففففف الغير شكل
يلله اظهر وبان عليك الامان طبيخه ماهره
على فكره انا ما بضفلها حامض جربي حطيلها كتشب قبل ما طتفي عنها النار بدقيقفه بتعطيها لون خفيف وطعمه كتير طيبه ومتل ما قلتي بتكسر القشطه
والف صحههههههههههههه
تسلم ايديكي و الله اشتهيت اني جربها بس المشكلة عيوني ان الكريم فريش مش متوفر بالمنطقة عندي برأيك في حل بديل؟
ذكرتيني لما طلبها زوجي مني وركضت متل الشاطرة عالمطبخ ساويها على اساس عندي كريم فريش والمصيبة كانت لما خلصت كل شي وضل عندي زيد الكريما وفتحت البراد وما لقيت ففكرت وفكرت 
فساويت طنجرة صغيرة بشاميل وزدتهم فوق الدجاج طلعت طيبة بس مش نفس الطعمة بس طيبة ومرقت على خير بالنسبة لزوجي 
سررت بمرورك
مراحب بريم الروم!!
كتبت بواسطة ريم الروم اظنها اكلة ايطالية .. وباين عليها لزييييييييييزة
باذن الله اجربها
الله يسلمك اختي ريم الروم والله ما بعرف اذا هي ايطالية ام اكلة روسية ومن جهة لذيذة هي لذيذة للذي يستسيغ طعم الكريما بالاكل ويللا جربيها وقوليلي رايك وان شاء الله تعجبك
كتبت بواسطة ماماحميدة تسلم ايدك ام اسامة
مين قال ماعجبت حدا شكلها كتير لذيذة وبدي جربها
بس عبفكر ضيف الها سور كريم بلا دسم
شو رائيك بعتقد بيمشي الحال بجرب وبخبرك
وتسلم ايدك ياااااااامورة
يا هلا يا هلا بماما حميدة نورت والله
تسلمي لنا يا رب والله يعزك ..انا عن نفسي ما بحط غير الصويا جربي الساور صوص وقوليلي كيف بتكون الطعمة وبدي اسألك حبيبتي ماميتو في قنينة ساور كريم لوحدها ام لازم تكون القنينة سويت اند ساور لاني فتشت بالسوبرماركت الكبار هنا ما بلاقي غير سويت اند ساور؟؟
انا ممنونة لمشاركتك ماميتو 