كل عام وانتم بخير وحشتوني زمان ما شفتكم والله ما بالاقي وقت افتح فيه الله بيعين
المهم عملت اكله قبل يومين رز بالمكسرات ومعاه شويت سمان (فري )
الحمد لله طلعت اكله خرافيه والبنات شجعوني انزلها الكم وطبعا ما رح اعزها عليكم
المقادير
كاسه رز مصري وكاسه بسمتي واللي بيحب صنف واحد ممكن
كاسه رز مصري وكاسه بسمتي واللي بيحب صنف واحد ممكن
مكسرات (لوز مسلوق ومقشر —بندق مقشر—-كاجو—-صنوبر—–فستق حلبي —-زبيب )
الان انقعي الرز البسمتي 10 دقائق بس والمصري ما بيحتاج نقع اغسليه بس
قلبي الرز بسمنه ومعلقة زبده وفصين مستكه في الطنجره ديري عليه ماء ساخن طبعا زي ما بتعمليه (مشكلتي
اني ما باعمل بالعيار )المهم سوي الرز ابيض عادي واتركيه في الوقت هذا بتكوني
حضرت السمان العدد زي مابدك انا عملت طبقين في كل طبق 6 حبات افتحي السمانه من ظهرها للاخر يعني بتصير مفروده
افركيها بملح وطحين واغسليهم كويس
الان افرمي بصل كتير وسماق وعصرة ليمون وبهارات وملح وابداي افركي كل حبة سمان بهاي التتبيله
ولو قدرت دخلي البصل جوا جلد السمان بيطلع اطيب
الان حضري صينيه للفرن وقطعي فيها بصل جوانح ورصي السمان مفرود بالصينيه وادنيه معلقة زبده سايحه مع شوية مايونيز
ادهني من الخارج بس لما تصفيه بعدين ديري عالصينيه كاسة ماء صغيره او نص الكوب الكبير وغطيها بقصدير
دخليها الفرن بتاخدحوالي ساعه او اقل افتحيها ولو لقيت لونها مش احمر حمريها شوي من فوق حتتحمر بسرعه
الان نرجع للرز الان جاهز
حطي في المقلى شوية زيت او سمنه وابداي في قلي المكسرات
اللوز مع الكاجو والبندق لوحدهم شيليهم وحطي الصنوبر لوحده شيليه وحطي الزبيب لوحده احسن
الان لو حابه اسلقي جزره مقطعه وحبة كوسه دوائر للتزيين
الان خلصنا
افردي الرز في الصينيه وطلعي السمان من الفرن وافرديه على صينية الرز وبعدين رشي المكسرات لازم تكون كتيره تغطي الرز والسمان كويس
حطي دوائر الجزر والكوسه على طرف الصينيه مع بقدونس لو حبيت
احتفظي بشوربة السمان وشرائح البصل اللي في صينية الفرن وقدميها مع الرز
ان شاء الله حتدعولي لو عايزين تعملوها بالدجاج قطعيه واشويه بنفس الطريقه
الف صحه وهناء على قلوبكم واول واحده تعملها الها مني هديه بس تقول شو رايها
وكل سنه وانتم بكل خير ورمضان كريم
تسلم الايادى
وكل سنة وانتى طيبة
ورمضان كريم
بس وينك بيخلوا الواح عطشان ثاني يوم ههههههههه
ياااا عيييني على هالأكلة شووو طيبة
شفتي يا عسل كنتي مكسلة تنزليها.. و هيها ما شاء الله متميز عن جدارة 
تسلم ايديك يا أحلى ماما بالدنيا
مشاءالله عليكِ
فعلا رائعه
واشتقنا لك كتير يام محمد
بعدين شورايك نعمل تبادل اطباقي
انا اعطيكِ حمام
وانتي سمااااااااااااان
شو هالفن !
عم جد يا بنات هالأكلة غير شكل ..
حتى أنا اللي ما باكل هالشغلات أكلت ..
هنلي ..
الله يحفظلك بنتك .. و تشوفي أخوكي قريب يااااااااارب ..
فعلا روعه
مش خايفة من انفلونزا الطيور
بس شو بدي اقول 
يسعد لي اياهم هالبنات اللي خلوكي تنوري الركن من تاني
رمضان كريم 