المقادير:
دجاجه مقطعه اربع قطع ومتبله لمده ساعتين
ولازم يكون بدون جلد وهنا الفرق
قليل من البقدونس المفروم ناعم
بيضتين + ملح + فلفل
بقسماط
دقيق
يضرب البيض ويضاف اليه ملح وقليل من الفلفل
ثم يضاف البقدونس ويحرك
ثم نغمس قطع الدجاج بالبيض اولا
ثم الدقيق ثم البيض مره اخرى واخيرا البقسماط
ثم يقلى بالزيت الغزير على نار متوسطه حتى يستوي
ويقدم
اكيد مع البطاطس والمايونيز والكاتشب
وصحتين وعافيه
تدرين مشاعر كارثه ان الواحد يستفتح يومه بمثل هالصور يقضي بقيت اليوم مفتوح الشهيه مافي شي يرده بس بصراحه تسلم اياديك ياااااااااااااااااااامبدعه راح ناكل ونعمل رياضه كحل مؤاقت
مشكوره حبيبتي
هتووووون
تدرين انا بقولك شي
ماراح احط اطباق جديده لين تخلصين مده الريجيم 
بس مو يسمنك شي ثاني وتقولين من مشاعر 
ومشكوره حبيبتي
عذب السجايا
مشكوره وتسلمين ان شاء الله
انا لما اعمل بروستد اسلق الدجاجه سلق خفيف حتى اذا قليتها تنضج من جو
لاني صراحه مره سويتها بدون سلق ما انضجت من جو وشلون اقليها صح لو تكرمتى
هلا اختي
طيب اذا سلقتيها وش فايده القلي
اهم شي لازم يكون الزيت كثير في المقلاه يعني يغطي يقطع الدجاج
وتكون تكفي للدجاج اللي تبين تعملينه
ولما تحطينه تلاحظين كان الزيت مو حار كفايه بس هذا علشان حطيتي الدجاج
ولاتحاولين تقوين النار خليه على نارمتوسطه مائله للخفيفه
وعلشان تضمنين النضج خذي سكين صغير واغرسي قطع الدجاج غرس شوي شوي
وبعد 10 دقائق
حاولي تقلبينه بشويش وهو ماياخذ وقت
اتمنى يكون شرحي مفهوم
وان شاء الله يضبط معك
واي سوال انا حاضره
ما تتشرب الدجاج زيت لان زوجي ما يحب الزيت ابد لو يحصله ما احط زيت ابدا بالاكل ما عنده مانع
لاازعاج ولاشي اختي
الدجاج مايشرب زيت بشكل كبير
وعلشان تتاكدين حطيه على ورق نشاف..وصحتين وعافيه