السلام عليكم أخواتي
ان شاء الله دايمين بخير
الوصفة اليوم هي مغمور مش مسقعة لأنو بتختلف المسقعة عن المغمور وانا كنت نزلت موضوع بإسم مسقعة بالبشاميل هيي مختلفة عن وصفتنا اليوم.
لنحضر المغمور بدنا : 1 كيلو بادنجان مدعبل +1 بصلة كبيرة + 6 فصوص ثوم + 2 بندورة حمراء +
نصف كوب حمص منقوع من الليل ومفقوش يعني الحبة مقشورة ومقسومة نصفين + ملعقة صغيرة نعنع يابس + ملعقة صغيرة ملح + 1 ملعقة كبيرة صلصة حمراء .
الطريقة اولا نقلي البادنجان حتى يحمر او نضعه بالفرن بصينية على نار قوية حتى يحمر
ثم نقطع البصلة مربعات صغيرة، نضع على النار ملعقة زيت والبصل ومنقلب ثم نزيد فصوص الثوم ونقلب حتى يذبلوا ثم نزيد الحمص المفقوش ونقلب حتى يطرى ثم نضع البادنجان المقلي والمصفى من الزيت بمصفاة عندها نزيد البندورة المقطعة قطعا صغيرة والصلصة والنعنع اليابس والملح
وكوب ماء او حتى يغمر الماء البادنجان وعندما يغلي نضعه على نار هادئة وتركه حتى تصبح المرقة سميكة
هيدي صورة للمغمور جاهز للأكل وصحتين
ان شاء الله تعجبكم
كتبت بواسطة mira70 
الله يسلمك حبيبتي وانا كمان بحب البادنجان كتير
كتبت بواسطة إم قتيبة الله يسلمك اختي بعتقد النعنع الناشف هو اختياري ممكن فيه او بدونه
شكرا لك
كتبت بواسطة حنان(البحرين) الله يسلمك ويخليك اختي
شكرا لك
طبق رائع
كتبت بواسطة ام ليانة طبق رائع
الله يسلمك أختي وشكرا لك