كل عام وانتم بخير
هاه انبسطتوا في العيد ….فرحتوا ؟…..الله يسعدكم ويهنيكم …..ولاتمرون باللي مريت فيه sid
اسمعوا حكايتي من طقطق لسلام عليكم…..ولاأحد يقاطعني 
ترى أنا طفشانه ومقهوره وودي أطلع اللي في قلبي كللللللله 
في يوم عرفه سافر الوالد والوالده …طبعا مع اخواني للطائف عند اخوالي …ورحت أنا وزوجي لبيت الوالد عند جدتي عشان ارعاها ومعانا اخوي
وكنت طفشانه عشان راح أعيد لوحدي بعيد عن أهلي
ويوم العيد الله لايوريكم ….والله ماحسيت بطعم العيد اطلاقاً …حتى في أول الصباح
كأنه يوم عااااااااادي جدا
بعد صلاة العيد عملت الفطور والقهوة لجدتي ولبست وعايدتها
بعدين جاء زوجي واخوي ….وبعدها جاوا أعمامي يعايدون جدتي
كل هذا وأنتا طفشااااانه ماني حاسه بطعم العيد …..قعدت أجبر خاطري وقلت : معليش يابنت يانور بعد شوي بتروحين للغداء عند عمك وبتنبسطين هناك …..
رحت مع جدتي لعمي …وليتني مارحت طفش وملل وزهق وسكوت
على طول بعد الغداء رجعنا للبيت عشان جدتي تعبانه…………هذا أول يوم كذا أجل الأيام الثانيه كييييييف
مللللللللل …..أعمل الأكل لجدتي …واقعد معها شوي بعدين تنام واخوي وزوجي يااما نايمين ياأما طالعين
وانا قاعده لحالي واذا حسيت بالوحده قعدت ابكي sid
ويوم الخميس اتصل الوالد وقال احنا جايين انشاءالله بعد صلاة العشاء
بغيت اطيييييير من الفرحه ….واسويلهم العشاء واتفنن فيه 
بعد شوي اتصل وقال : خلاص هونّا ….بكره انشاءالله 
ويوم الجمعه قعدت انتظرهم وانتظرهم واتصل علينا الوالد قال: احنا كنا ناوين نجي اليوم بس فيه ظروف طارئه ….انشاءالله بكره نرجع ……..
واخيرا جاؤا أمس يوم السبت بالسلامه
وأول ماشفت امي وأنا ابكي sid وأقول : ليه ياماما تخلوني لوحدي هنت عليكم تخلوني اعيد لحالي وهاتك يادمووووووووع
واخواني الصغار يوم رجعوا يبكوووون …مو مشتاقين لي …لالالالالا مايبون يرجعون للرياض …واخواتي مبسوطات ومستانسات آآآآآآآخر وناسه ….الله يسعدهم
****************
بصراحه العيد هذا أسوأ عيد مر علي ممل ممل ممل ممل ممل ( لو فيني حيل اكتب ممل مليون مره كتبتها)
حتى شوكولاته العيد ماذقتها ….قال زوجي : أروح أجيب شوكولاته ومكسرات
قلت : لا لاتجيب شي من اللي راح ياكله معاي مااحد عندي يسليني وياكل معاي 
*************
عزائي الوحيد هو رجائي الأجر من الله في رعايتي لجدتي .
*******
ياللا احكوا لنا عن اللي عملتوه في العيد …
كنت اقول كذا لما يمر عيد واتضايق او احس بملل … تدرين ليش يمكن لاننا نتوقع ان العيد بيجيب معه الاحساس الرااائع الي كنا نحس فيه واحنا اطفااال يااااه احساس ماينوصف
يكفي اننا كنا نعد متى بيجي العيد من شهر تقريبا
بس والله يانور الان كل ما اطفش اقول الحمد لله ان مشكلتي بس الطفش وان الله معطيني الصحه والعافيه
غيرنا يانور الي مريضه بسرطان ولي بالقلب وتخاف في كل ثانيه لا تموت احساس بشع الله يشفي جميع المسلمين
الحمد لله على نعمه راااحة البال والصحه
دمتي سالمه من كل مكروه
لكن الإحساس بالوحده وبعد الأهل احساس قاتل ومر وصعب جدا …مايحس فيه الا اللي جربه
تخيلي كل الناس حولك مبسوطين وانتي لوحدك بين الحيطان ……..منتهى المراره والألم
تسلمي يانواعس على مرورك
عيد الاضحى عندنا كل سنة بالحالة اللي ذكرتيها
لاننا من سكان مكة وطبعا مالنا عيد
لانه يارجالنا في الحج مع بعض الاهل
او مشغولين في اعمال الحج
فكل واحد محبوووووووووووووس في بيته
بصراحة اكثر اجازة مملة وعيد ممل هي اجازة الحج
وهذا يمكن دايم تسمعيه من اهل مكة يعني بالنسبة لنا امرك هذا عاااااااااااااااااااااااااادي وبنمر فيه سنويا
بس طبعا لو طلعنا للحج تكون احلى اجازة لكن اذا ما اتسهلت الله يعين
تعرفي هذي اليومين من كثر الطفش حاطة حرتي في النت والنوووووووووووووووووووووووووووم اقوم عشان ارجع انام ..
قد شفتي احد يعايد وهو يبكي ؟؟؟!!لكن مانقول الا اللهم لك الحمد على الصحه والعافيه والامان ,,,وش تقولين في اللي صامت رمضان وعيدت العيدين بعيد عن اهلها في آآخر الدنيا ,,في الغربه الله يقطعها,,ومايصبرنا الا المكالمات بالتلفون ,,والله كان عيد عادي جدا زي اي يوم في السنه ,,الله يجيبه ذاك اليوم ونرجع لاهالينا واصحابنا على خير ,,قولوا آآآمين ووالله ماهو مصبرني ومونسني الاهالنت ,,والله يعين .
وماتطلع من البيت الا مره بالشهر واحيانا 3 اشهر واكثر حتى رحلات مافي وماعندها احد تكلمه يعني صديقات مافي 
في اكثر من كذا طفش؟؟؟ قولي الحمدلله بس
فعلشان كذااحنا نطالب بالمراكز الصحيه النسائيه فيها كل شي مش رياضه بس (رياضه+ مقهى+كوافيره…. الخ) نضيع وقتنا شوي للكن مين يسمع؟ 
وفي الختام الحمدللة علي كل حاجة بس احنا في اخر الدنيا لاعيد ولا يحزنون sid sid
بس ما نقول غير الله يعطيناالصحه والعافيه ونردونشوف اهلنا
اقول احمدي ربك ياغالية.. انتي في نعمة كبيرة
على قول ارامو… وش نسوي حنا الي هنا في الغربة.. لا والمصايب مرافقتها
والله العظيم اني اكتب لك وعيوني ماتشوف الي اكتبه.. بس الحمد لله
لفت نظر الكوريات الي معاي في الغرفة
ياقلبي… انا لي هنا ثلاث اعياد اعيدها برا السعودية
وفي كل عيد اتصل على اهلي علشان ابارك لهم في العيد
يزفون لي اخبار تزيدني هم فوق همي
اول عيد.. مات واحد من عيال زوج اختي.. وهي مربيته مثل ولدها
ثاني عيد.. مات ولد عمتي.. وبحادث بشع جدا
وذا العيد.. مات جدي.. من غير لا اشوفه ولا اسمع صوته..
وتقولين.. ممل ويطفش عيدك
اجل انا ايش اقول… غير لاحول ولاقوة الا باله.. والحمد لله على كل شي
يعلم الله اني ماقدر اكتب في المنتدى مثل اول الا من الجامعة..
وبتخفي بعد.. علشان استحي من المعلمة.. بس موضوع شدني
يعني الواحد لما يفرح يضن كل الناس فرحانه
ولما يحزن يضن أنه بلاوحه حزين
سبحان الله
بس
ماقول غير الله يردكم لهلكم سالمين غانمين
ويثبت قلوبكم في الغربة وما يحس فيها غير المجرب
الله لا يرجعها من أيام مره
تسلمممممممممممممممممممممممممممممممممممممممممون