السلام عليكم ورحمه الله وبركاته
انا انهارده عملت لاول مره ارز بلبن فى الفرن
انا دايما كنت بعمله بالطريقه العاديه على البوتاجاز ويوضع فى اطباق عاديه
لكنى المره ديه فكرت اضعه فى طاجن فى الفرن بس بعد السوا طبعا
نيجى للمقادير *******
*********************
1 – كيلو ونصف لبن حليب وياريت مش مبستر يكون من اللبان طعمه اروع فى الارز بلبن
2 – كوب كبير ارز
3 – 3 ملاعق نشا متوسطين ولو احتاجتى فى الاخر شويه نشا ممكن تضيفى شويه
اصل انا بحبها خفيفه النشا قليل
4 – قشطه
5 – سكر وطبعا حسب ذوقك خفيف تقيل
الطريقه بقى *******
********************
يسلق ارز فى ماء قليل حتى السوا ونكون مجهزين اللبن ونضيفله السكر والنشا وجوز هند ويقلب جيدا ثم يوضع على الارز وتكون النار هاديه عليه وممكن تضعى الان شويه قشطه ممكن معلقه كفايه
لان هنضع فى الاخر تانى
وبعد ما تستوى وتكون غليظه نغرفها فى طواجن صغيره ونضع على وشها القشطه وهى ساخنه عشان تسيح
وتدخل الفرن من فوق ولعى الشوايه
فقط ليحمر الوجه
وبعد الاحمرار اتركيها تبرد وبالهنا والشفا
وهذه صورها
وانتظر ردودكم الجميله
كتبت بواسطة توت البراري 
بارك الله فيكى
كتبت بواسطة لبنان وحبايبه بارك الله فيكى يا مشرفتنا الغاليه
يعني انت بتسوي الرز باللبن عادي في الحلة ويدخل الفرن فقط لتحمير الوجه ؟
لأن في طريقة تانية الرز بيستوي داخل الفرن
طــاجن رائع …،،
تسلم الايادي "ســـاره"
كتبت بواسطة roza1 يعني انت بتسوي الرز باللبن عادي في الحلة ويدخل الفرن فقط لتحمير الوجه ؟
لأن في طريقة تانية الرز بيستوي داخل الفرن
ربنا يكرمك اختى
انا فعلا سويتها فى عادى بالطريقه العاديه وبعد كده غرفتها فى الطاجن ووضعت عليها القشطه وهى ساخنه عشان تسيح وتدخل الفرت تحت الشوايه فقط ليحمر الوجه