جرررربو هادي الكبسه والله طعمة جداً
واسمعو الحكاية كيف اتعلمتها
في مره من المرات رحنا زيارة للمدينة .. وكان أخويه يجبلنا من مطعم هندي رز برياني .. كان مررررره لذيذ .. وكنت أسأل الهندي كيف طريقته ماكان راضي يقولي كيف (طبعاً سر المهنه)
لكن مره من المرات وانا في التحفيظ كانت معانا وحده طالبة كبيره في السن يعني قد أمي تقريباً في الأصل هنديه بس هي سعوديه .. سألتها يا أبله ميمونه مادام انك هندية ابغى اتعلم منك كيف اسوي الرز البرياني ..
قامت قالت لي تعالي عندي على البيت وأنا راح أعلمك حبه حبه خطوه خطوه ..
قلتلها جزاك الله خير أنا من بكره راح أجي ومعايا القدر حقي والدجاجه عشان أخدها معاية البيت وكنا ليلة رمضان وهادا الكلام قبل 5 سنوات تقريباً ..
المهم لا أطول عليكم رحت عندها البيت ودخلنا المطبخ ومشيت معها خطوه خطوه
عارفه ان كلامي كتير بس حبيت أحكيلكم كيف اتعلمت الطبخة الرهيبة .. والله يابنات انها أطعم من كبسة الهندي اللي في المدينة
ودحين اسيبكم تاخدو الطريقة بس انتبهوا لا ينحرق البصل . خليه أحمر
واسمعو الحكاية كيف اتعلمتها
في مره من المرات رحنا زيارة للمدينة .. وكان أخويه يجبلنا من مطعم هندي رز برياني .. كان مررررره لذيذ .. وكنت أسأل الهندي كيف طريقته ماكان راضي يقولي كيف (طبعاً سر المهنه)
لكن مره من المرات وانا في التحفيظ كانت معانا وحده طالبة كبيره في السن يعني قد أمي تقريباً في الأصل هنديه بس هي سعوديه .. سألتها يا أبله ميمونه مادام انك هندية ابغى اتعلم منك كيف اسوي الرز البرياني ..
قامت قالت لي تعالي عندي على البيت وأنا راح أعلمك حبه حبه خطوه خطوه ..
قلتلها جزاك الله خير أنا من بكره راح أجي ومعايا القدر حقي والدجاجه عشان أخدها معاية البيت وكنا ليلة رمضان وهادا الكلام قبل 5 سنوات تقريباً ..
المهم لا أطول عليكم رحت عندها البيت ودخلنا المطبخ ومشيت معها خطوه خطوه
عارفه ان كلامي كتير بس حبيت أحكيلكم كيف اتعلمت الطبخة الرهيبة .. والله يابنات انها أطعم من كبسة الهندي اللي في المدينة
ودحين اسيبكم تاخدو الطريقة بس انتبهوا لا ينحرق البصل . خليه أحمر
الأرز البرياني
مقادير الخلطة :
دجاجة مقطعة اربع قطع ـ علبة لبن زبادي كبيره ـ 3 حبات ليمون ـ 1 مرقة الدجاج ماجي ـ ملح ـ كبشة كمون حبات صحيحه ـ ملعقة بهارات البرياني ـ ربع فنجان صغيره . 4 حبات بصل مقطع شرايح خفيفه ـ ملعقة ثوم مطحون ـ ملعقة زنجبيل أخضر ناعم ـ زيت غزير لقلي البصل .
مقادير الأرز :
أرز بنجابي (المهيدب) أو مزه ـ بهارات (قرنفل ـ قرفه ـ فلفل أسود ـ كزبره ـ شيبه ـ ليمون أسود ـ فلفل أبيض ـ ورق غار) وكلها تكون حبات صحيحه .
الطريقة :
1ـ تاخدي ياستي زيت القلي وتسخنيه لدرجة عالية وبعدين ترمي عليه البصل المقطع شرايح دفعة دفعه حتى يخلص البصل .
انتبهي : لما تقلي البصل لازم تخليه يحمر مايكون محروق إننننننننننتبهي لا ينحرق البصل فاهمة . تصفي البصل من الزيت مزبووووووط وتفتفتيه بيدك.
2ـ تاخدي القدر وتحطي فيه الدجاجه وجميع باقي الخلطة مع البصل وتقلبيها مزبوط مزبوط . أأأأوكي(تخليه على جنب عشان يتبل والأفضل ياخد له 24ساعة تتبيل) وإذا كنت مستعجلة مافي اشكال
3ـ تحطي قدر الدجاجه على النار نص طبخه .
3ـ تسلقي الرز مع بهاراته نصف سلقه .
4ـ تاخدي الرز وترميه على الدجاجه على النار لغاية ما يستوي . الرز والدجاج.
ملاحظه : ممكن تحطي مع الخلطه ملعقة فلقل أخضر حار ناعم عشان يعطيك نكهن أحلى
5ـ تاخدي موية الورد وتحطي عليه الزعفران وتسكبيه على الرز .
وتتركيه حتى يتسبك
قدميه مع سلطة لبن بالخيار
1ـ تاخدي ياستي زيت القلي وتسخنيه لدرجة عالية وبعدين ترمي عليه البصل المقطع شرايح دفعة دفعه حتى يخلص البصل .
انتبهي : لما تقلي البصل لازم تخليه يحمر مايكون محروق إننننننننننتبهي لا ينحرق البصل فاهمة . تصفي البصل من الزيت مزبووووووط وتفتفتيه بيدك.
2ـ تاخدي القدر وتحطي فيه الدجاجه وجميع باقي الخلطة مع البصل وتقلبيها مزبوط مزبوط . أأأأوكي(تخليه على جنب عشان يتبل والأفضل ياخد له 24ساعة تتبيل) وإذا كنت مستعجلة مافي اشكال
3ـ تحطي قدر الدجاجه على النار نص طبخه .
3ـ تسلقي الرز مع بهاراته نصف سلقه .
4ـ تاخدي الرز وترميه على الدجاجه على النار لغاية ما يستوي . الرز والدجاج.
ملاحظه : ممكن تحطي مع الخلطه ملعقة فلقل أخضر حار ناعم عشان يعطيك نكهن أحلى
5ـ تاخدي موية الورد وتحطي عليه الزعفران وتسكبيه على الرز .
وتتركيه حتى يتسبك
قدميه مع سلطة لبن بالخيار
وبالهناء والعافيه
أمانه بنات لاتنسو تدعولي معاكم وانت بتاكلوا الأرز
لأني والله محتاجه لدعوتكم غالياتي
أمانه بنات لاتنسو تدعولي معاكم وانت بتاكلوا الأرز
لأني والله محتاجه لدعوتكم غالياتي
كيف لو في تطبيق كان
رووووووووووووعة
يسلموا ايداكي
كيف لو في صور؟
يسلموا ايديكي اختي