يامساء الفل بنوتات لك
النهارده عملت صينية بطاطس وقلت لازمن حتمن ولا بد.. 
تشوفوها
المقادير :
2 حبة بطاطس كبار
1 بصله شرائح
1 فلفل رومى شرائح
2 طماطم وسط حلقات
2 فص ثوم مفروم
سمن
ملح وفلفل
ماء وماجى
الطريقة :
الأول حطيت شرائح البطاطس مع فصين الثوم المفروم فى السمن وهات ياتقليب
وبعدين حطيت الخضار
وبرضه هات ياتقليب فى السمن
وبعدين اما الخضار يدبل خالص نحط الميه والماجى
ونسيبها من فوق البوتاجاز شويه وهيا حاتستوى بسرعه لأننا هريناها تقليب ونروح مولعين عليها الشوايه بتاعة الفرن ونحمر وشها
وكلى أحلى صينية بطاطس ….. يم يم
هات يا تقليب دى قصدك على النار يعنى؟؟؟؟
ردى عليا يلا انا مستنياكى
شكلك ما شاء الله هاويه للمطبخ
ربنا يحفظك يا جميل
انا بشوف بطاطس كتير بس زى بتاعتك لسه ماشفتش
مستنيه جديدك ومتتاخريش عليا لانى كل يوم قبل مابطبخ بغش منك انتى عملتى ايه
انا بشوف بطاطس كتير بس زى بتاعتك لسه ماشفتش
مستنيه جديدك ومتتاخريش عليا لانى كل يوم قبل مابطبخ بغش منك انتى عملتى ايه