انا بكتب لكم طريقتي الشخصيه والي اتبعها دايما والحمدلله جت نتايجها رائعه مرة
وترضيني
طريقتي هي :
لما اجي اتسبح قبل لا اتسبح بيوم ازيت شعري بزيت دابر فاتيكا وانام فيه بعدين اقوم واتسبح
انا استعمل شامبو بانتين بس طريقتي هي احط شوي شامبو على يدي وارش عليها ماء بعدين افركها وهي لسى بيدي الين تذوب وتسير خفيفه مرة وبعدين احطها على شعري وما افرك شعري بقوة عشان شعري دهني واذا فركته بقوه ازيد افراز الدهون هاذا غير عشان انى ما ابي الصابون ياخذ كامل مفعوله فهو مضر طبعا اذا حسيت ان لسى الزيت ما راح اكرر الحركه مرة ثانيه
بعدين ارش شعري زييين وبعدين احط هيربال كونزيل هذا مكيف للشعر رهيييييييييييييب مرة ونتائجها مرة روعه بالذات للشعر المصبوغ والمقصف فيه نوعين واحد للشعر الجاف والعادي لونه وردي والثاني للشعر المقصف والمصبوغ او المعالج ولونه اخضر ينصحون بيه كل الكوافيرات تحطين على شعرك شوي وتدلكين شعرك بأطراف اصابعك بطريقه دوائر مهمه جدا هالحركه تنشط الدورة الدمويه للرأس مما يجعله ينمو ويصبح اكثر قوه ومرونه
وتخلينها على شعرك وانتى سوي اي شي انا عن نفسي افرك جسمي الين شوي ياخذ مفعوله بعدين اشطف شعري زين وبس كذا خلصت من الحمام اطلع واحط مويه في ابريق واخليها الين تصير حاره واجيب فوطه ( هذيك الي خاصه باللف ) او اي فوطه عاديه و ابللها بالمويه الحاره
وقبل كذا احط على شعري كريم اسمه هير كول ( hair kool ) بجوز الهند فيه مثله بالثوم بس جوز الهند ريحته احلى تحطين هالكريم وتدلكين بقوه وبنفس الطريقه السابقه ( الدوائر )
وبعدين تاخذين المنشفه الحاره وتلفينها على شعرك وتخلينها لين تبرد وبعدين ترجعين تبللينها مرة ثانيه بمويه حاره وهكذا … الكريم تحطينه على شعرك مرة واحده فقط بينما الفوطه الحاره تحطينها 5 او 4 مرات مفيده مرة هالطريقه وانا مداومه عليها لي شهرين وشفت الي يرضيني
تكثر وتنعم وتطول و كل شي
بس هذا كل شي حبيت اعم لكم الفائده خصوصا انها مجربه مني وشكرا
طريقتك حلوة مرة تشبه حمام الزيت, تسلمين عليها0
تحياتي لك00
عادي بالعكس النتيجه اروع صدقيني