انا اختكم زهرة القدس من فلسطين بتابع المنتدى اول باول
وجد مشكورررررررررين على هيك منتدى وهيك مواضيع والله انا ما بلاقي الي بدي اياه الا بمنتداكم الرائع والله
وكتير بدخل ركن الطبخ وركن الكروشيه وبحاول اتعلم منكم ومن خواتي بالمنتدى
ربي يسلمكم ويخليكم جميعا ويديمكم يا اااااااااااا رب……
انا عاوزة منكم مساعدة اذا ما في مانع
نحنا عنا بفلسطين بنخبز على ايدينا الخبز وما بنشتري جاهززززززززز
وانا ما عندي خبرة بالخبز كتير ومن لما تزوجت وانا بصير معي مشاكل بالخبز
مرة بكون ناشف ومرة بكون مالح ومرة بكون مستفطر 0والمرة هذه العجينة بعد ما عجنتها وخمرت وقطعتها وبديت اخبز فيها لاحظت انو الخبز بينتفخ على شكل فقاعات صغيرة وينحرقو وباقي الرغيف بيبقى ابيض وما بيستوي منيح
على العلم انو المكونات-طحين- وملح – وخميرة-سكر –
يا رب شو اعمل ؟؟؟؟؟؟؟؟؟؟؟؟؟؟؟؟؟؟؟؟؟؟
ارجوكم سااعدوني وقولو لي شو اسباب فشل الخبز معي وبكون كتير ممنونة ليكم …..
اختكم زهرة القدس
شرفتينا ونورتينا
السب يمكن يكون انك مش بتتركي العجين يخمر الوقت الكافي أو بتضغطي عليه بقوة أثنا فرده
ادخلي هذا الموضوع سوف يفيدك ان شاء الله ويوجد غيره كتير بس هذا اللي استطعت أجدة الأن لأني محتفظة به عندي
بس عايزة الفت انتباهك لبعض النقاط
بالنسبه للملح
يادوب رشه يعني منزيدش منه ابدا
بالنسبه لانه طلع ناشف
شوفي حبيبتي الدقيق انواع
في انواع وغالبا بيكون مخلوط معاها دقيق اسمر او البر
هذه بتمتص الماء
يعني بتحسي انه سايح وبس تسيبيه بينشف
انت سيبيه خمس دقايق وشوفيه لو ناشف زيدي ماء واعجني تاني
اهم شيء انك تعجني كويس جدا
كل ماعجنت اكتر طلع احلى
وبيطلع قطعه وحده
يعني مش بيتقطع معاك
وكمان مهم جدا يخمر كويس قبل وبعد الفرد
يعني في كل مرحله يرتاح
بعد العجن
بعد التقطيع
بعد الفرد
بالنسبه للفقاعات الي ظهرت
لو ماخاب ظني الخبز وصلتله بروده
يعني دفيه كويس
وان شاء الله المره الجايه
هتورينا احلى خبز بيتي
واي استفسار احنا بالخدمه
وأجزلت بعطائها …إلى من سقت ..وروّت منتدانا علما وثقافة،،
إلى من ضحت بوقتها وجهدها ..ونالت ثمار تعبها …
لكن اخواتي الغاليات ..كل الشكر والتقدير على جهودك القيّمة .
موفقات باذن الله
اختكم زهرة القدس
والله انو روعة وانا من زمان بدور على هيك رابط
وتسلملي ام الربيعين على شرحك الرائع غلبتك معى اعذريني
الله يوفقكم في الدنيا والاخرة ونلتقي في جنة الرحمن يا رب
تحياتي ليكم
اختكم زهرة القدس
حياك الله اختي زهرة القدس
فعلا الي حكوه البنات مضبوط
اهم شي التخمير الجيد علشان تتخلصي من الفقاعات بس ما تزيدي فترة التخمير كمان هاي بتعطي نتيجة عكسية
وبعدين راعي يكون ماء العجن دافي و ممكن تدهني وجه العجين بشوية زيت زيتون
هيك ما بيجف وبيحافظ على طراوته
ومرة على مرة حتتقني العجين حبيبتي
المهم ما تيأسي
جربيس بكميات قليلة في الاول وبعدها زيدي اللكمية لما يدك تاخد وان شاء الله تصلي لنتيجة مرضية
و نشوف تطبيقك الجميل هنا
بارك الله فيكم جميعا
بارك الله فيهم
ربي يسعدكم ويوفقكم دنيا واخرة يا رب
البيت الفلسطيني بضيافة أم مالك ميسووو أكيد غير يا هلا ومرحبا
اختي هذا اللينك ممكن يفيدك، الموضوع سهل يعني مش معقد، اهم شي انك تخمريه كويس بعد العجن و بعد الرق، و صراحة خطوة بعد الرق هامة جدا، علشان يطلع سمك طبقتينه متاسبات، مش خميل من تحت و رقيق من فوق، و بالنسبة للملح زي ما قالوا البنات، شي بسيط، مثلا انا بحط معلقة كبيرة تقريبا على 9 اكواب طحين، و ملعقة سكر صغيرة مع الخميرة الفورية، و جربي تحطي حليب بودرة 4 ملاعق كبيرة، امي بتقول بتخلي الخبز يطلع لونه حلو و وجهه احمر، و المية تقريبا 5 اكواب، و اعجنيه كويس جدا، لحد ما الجاط ينظف و ميلزقش بايدك اي عجينة، اه احيانا بحط 6 ملاعق زيت مخلط زيتون و مازولا، بس ممكن تستغني عن هالخطوة، لانه الخبز التقليدي ما فيه زيت طبعا. اه و طبعا الخبز بطنجرة الكهربا بيطلع اطرى و احلى كتير من تاع الفرن، الفرن بمص ماويته زي ما بنقول بفلسطين طبعا.
و صحة و عافية