اول شي بحب اشكر اختنا الحبيبة ديم على طريقة الخبز الرائعة..صراحة تجن جربتو و طلع غيير شكل و اليكم الصور
تعلمي عمل الخبز العربي خطوة خطوة( بالصور )..من مطبخي
نجحتي ام مودي في عملها شكلها يشهي
شكلها يجوع حرام عليك
على فكرة انا جربتها وطلعت تجنن وزوجي اعجب بيها
انصح الكل انه يعملها لانهافعلا رررررررروعة
شكرا ام مودي
تسلم هل انامل الحلوة و بحاول اجربه و بخبركم باخر التطورات
يسلمو يا ام مودي
لنوشة الخبز ما بيحتاج تفكير جربيه على طول راح يعجبك
تحياتي
فعلا الخبز رهييييييييييييييييييب انا سرت عاملته 6 مرات
واطيب من هبك و اطرا من هيك ما في شي تحفة
وعجب كل الي داقوا وكل ما اعملوا بدي اصوروا وبتكسل
وانا من يوم ما عملته بطلت جيب من المحلات العربية لانو اطيب بكتييير
وحتى سهل على حالي بشغل قلايتين مع بعض
والله يسعدها ويوفقها ديم على الخبز
والله ياا ام مودي الصور تخلي عصافير البطن تصوصو 
ومع الفلافل والطرشي والطحينه …..حاجة خرافيه !!
لما شفت صور ديم من زمان توقعت انها ما تضبط بسهوله !
بس الصور تسوي اغراء فعلاً
مع ان الخبز متوفر عندنا بسهوله …بس والله شهيتيني اسويها !
اشكرك عزيزتي ام زيد على طلتك الحلوة:
يا سلاااام اشتهيت صحن الفول مع الخبز خاصة الدقة بالفلفل و التوم و الليمون و الكمون عالفول من فوووق واااو غمسي و كلي..ما بتشبعي و الا الفلافل..ما بدي اقولك كم رغيف اكلنا عالواقف انا اخز و زوجي واقف يلف الساندويشات..و ناكل و يالله مش حاسين…بس صراحة..رووعة و متعة
كاني قلت قصة حياتي
تحياتي
ام مودي الله يسعدك
هادا فلافل انت عاملتيه اذا انت
اكتبي الطريقة اذا ما فيها غلبة وقوليلي كيف طعمه متل الي في البلاد
من زمان ما طليتي لعنا
ام مودي اليوم مفتوحة شهيتا على الاخير
شي فول وكمون وليمون صراحة اليوم ماني عامل غير فول مدمس شهيتيني
يعني ام مودي مابكفيك منظر هل الخبز اذ بتقول فلافل وفول وش بعرفي
والله دا حراااااااااااااااااااام
يلا راح قلك شي بتعرفي انو اول مبارح كنت عاملة ملوخية ااااااااااخ وعليها هل الليمون ورز جنبوا يا سلام
شفتي شفتي يا ام مودي وحدة بتحب تقهر
صراحة انا جربت خبز للاخت ديم وطلع معي بشهي فورا لفيت فيه زيت وزعتر طلع بشهي ما راح قلك كم رغيف اكلت
يعطيكي الف عافية يارب ولا يحرمنا من ايديك
من بعد اذنك اختي ام مودي حابة اعطي طريقتي في عمل الفلافل للاخت ام مودي
لانو صراحة بتطلع معي بتشهي
شوفي اختي ام زياد
بتجيبي كيلو حمص بتنقعيه 12 ساعة يعني من الليل للصبح
وبتغسيله منيح منيح وبعدين بتجيبي بصلتين كبار وراس ثوم بتحطيه فوق الحمص وبتطحنيه انا بطحنوا مرتين على الخشن
وبعدين بتحطيلها كمون وقرفة وسبع بهارات وكزبرة يابسة وملح وبتحركيهم منيح منيح بعدين يلي بدك تستعمليه بتشيليه على جنب والباقي بتحطيه بكياس بالثلاجة لوقت بدك تستعمليه لوقت تاني
ويلي بدك تستعمليه فورا وقت بدك تقلي بتحمي الزيت منيح وبتحطي على الخليط ملعقة بيكربونات وبتبلشي تقلي
وبعد بتاكلي يعني شي بشهي واي شي مو مفهوم قليلي
تحياتي الكم سنووايت