اخواتي لقد سعدنا بضيافة اختنا الغاليه على قلوبنا ام ليانة
بارك الله فيها
اشكرها باسمي وباسم جميع الصبايا على ضيافتها وكرمها الحاتمي
ونضع بين أيديكم اليوم ضيفتنا اخت
رائعه بمعنى الكلمه معطاءه وأم حنون
اسمها لامع في المنتدى
طلبنا منها الضيافه
فكانت كريمه وكرمها مشهور بيننا
ونحن نستاهل هالكرم انها
الاخت
ام سهيل
بارك الله فيها
لو سمحتوا نومأ هادئا لاطفالكم
لانها مشرفة ركن الامومه و الطفوله
اهلا وسهلا عزيزتي تفضلي
ياحيا الله الغاليات
نورتوني وانستوني في بيتي, وأتمنى أن تنال ضيافتي على إعجابكن
حللتم أهلا ونزلتم سهلا .
طبعا بما أنكم حتتفضلوا عندي من الصبح يعني لازم ضيافة وفطور يستاهلكم ويستاهل جيتكم .
فطورنا ككل عائلة يكون بسيط وخفيف حتى يقدروا يروحوا على مدارسهم ويبدأوا يومهم نشيطين
وفي أغلب الأحيان فطورنا يكون نواشف يعني جبنة , ولبنة , ومربى , وعسل , وزيت وزعتر هذا اساس السفرة
وفي بعض الأحيان باعمل لهم بيض بمفروم , أو بيض اومليت , أو بيض ملخبط , لكن اليوم عملت لكم شكشوكة .
ومعاها كاس شاي احمر , ويوم الجمعة أعمل لهم شاي حليب بطريقتنا نحن ( شاي دود ) افهموها عاد .
دجاجة كاملة مقطعة لثمان قطع
علبة لبن زبادي كبيرة.
بصلتين مطحونة ناعمة
بهارات حب ( هيل وقرنفل وفلفل اسود )
بهارات ناعمة (كركم – فلفل ابيض-زنجبيل ناعم -كمون -كزبرة -ملح حسب الرغبة) احيانا اضيف بهارات الكاري
ثم نضيف له الدجاجة والبهارات الحب , ونتركه الين ينزل مويته ويبدا يتشربها
نخلط اللبن مع البهارات الناعمة بامكاتك اضافة ثوم مع اللبن , ومن ثم نضيفه للدجاج
ونغطيه ونتركه على نار هادئة حتى يتسبك, ويقدم مع الارز او الخبز , لو احببت ان يكون له مرق
للتغميس حاولي تزيدي ماء كافي حتى يكون معك مرق .
طبعا له وصفات وتطبيقات كثيرة في الركن هنا والمنتدى من الاخوات
لكن انا اضيف مع الارز قبل ادخاله للفرن القليل من الزعفران والماء يكون مغلي
واعمله بالرز الامريكي فيكون طعمه تحفة , واقدمه مع سلطة الدقس او السلطة الخضرا .
عملت لكم نوعين سلطة
سلطة ايطالية
وسلطة مكسيكية
مكوناتها
جزرة مبشورة
خس مقطع
خيارمبشور
مكرونة مسلوقة
بطاطس مقطعة مكعبات ومقلية
ذرة
الصوص
لبن زبادي ومايونيز وعصير ليمون وملح وفلفل ابيض وخل وزيت زيتون
طبعا ناتشوز
ولحمة مفرومة معصجة مع صلصة
وجبنة الناتشوز
وجبنة موزاريلا
وذرة
وبصل مقطع ناعم
وخس ناعم
الصوص
لبن زبادي ومايونيز وعصير ليمون وبقدونس مقطع ناعم والقليل من الثوم وملح
في موسم الملوخية يشتروا الملوخية ويقطفوها ويغسلوها ويجففوها
ومن ثم يطحنوها ناعمة جدا ووقت يشتهوا يعملوا منها ملوخية وبتكون لذيذة
بصراحة انا تعجبني اكثر من الخضراء
طريقتي في عملها
اعملها لما يكون عندي مرقة دجاج , بعض الاهالي يعملوها بالماء
تاخذي مقدار نصف كاس كبير ملوخية تقريبا
ومن ثم تحمريه في كمية سمن كافية لتحميرها قليلا
ومن ثم تضعي عليها المرقة وتحاولي تكون كميةو المرقة كافية انه تعمل لك ملوخية كثيفة نوعا ما مش خفيفة
انا اطحن طماطم مع بصله واسبكهم على السريع على النار
وبعد تحمير الملوخية اضع خليط الطماطم والبصل المطبوخ
واضيف المرق والدجاجة , وبعد ان تتسبك الملوخية احمر القليل من الثوم ومعه كزبرة خضرا
واعمل هييييييييه واطش بيها الملوخية , وطبعا ازبط الملح .
يقدم مع الرز الابيض او ينعمل منها فتة بالخبز الحب.
وشوربة كريمة الذرة وهنا تجدون الطريقة
*شوربه متميزه*O.o°¨ حصريا شوربة كريمة الذرة بالدجاج بطريقتيO.o°¨
طبعا عملنا صينية مكرونة بالباشاميل
والكل له طريقته في عمل الباشاميل انا اللي اكتشفته يعطي طعكم لذيذ للباشاميل هو الفلفل الابيض
صرت لما استخدمه مع الباشاميل في اي صنف يحتاج للصلصة يعطيه نكهة راائعة ويزبط طعمها معي.
عملت لكم فطيرة دجاج اخذت طريقتها من المنتدى ومن زمان وانا اطبقها
وبصراحة لذيذة حتى انه نكهة عجينتها مثل عيش باللحم اللي يعملوه اهل الحجاز
هذا رابط فيه المقادير
وانا عملتها لكن لغيت البقدونس ووضعت ذرة .
طبعا انا راح اقدم لكم عصير جزر بصراحة لما للجزر فوائد خاصة لنا نحن النساء
واللي بيحبوا التجميل كثيرا قرأت انه اي علاج يكون للجلد او للشعر من الالفضل يكون معه
يوميا شرب عصير الجزر حتى تلاحظي الفرق وفعلا انا مجربتها .
واخيرا حنحلي بعد الغدا بتشيز كيك برضه أخذت طريقته من المنتدى لكن بصراحة أنا ضاعفت كمية التشيز كيك
وفعلا صار طعمه الذ من اللي في المطاعم والكوفي شوب وبشهادة الجميع حتى اسالوا حمرة الورد 
عملت لكم قهوة لكن مش عربية
قهوتي هي قهوة شعير ومعها هيل وقليل من قشر البن
بصراحة مريحة للجسم والمعدة ولها فوائد كثيييرة
ومعها تمرة سكرية اتفضلوها تستاهل فمكم والله
وتشربوا لكم كوب كووفي , على فكرة انا مو كييفة كوفي وما اشربها الا في المناسبات السعيدة , وبما إنه
زيارتكم لي مناسبة سعيدة فعملنا اليوم قهوة فرنسية بطريقتي الخاصة ووردات محشية جالكسي
لعيون مشرفات المعجنات الحلوات واسبوعهم الشرير اياه تبع الشوكولاتة , وكمان كيكة لبن الزبادي
وهذا رابط حلوياتي اتفضلوها
✿*تطبيق متميز*✿ اتفضلوا عندي اليوم طبقت لكم كم حلى اتفضلوا عندي حفلة حلويات .
لنا عودة نروح نعمل خفايف على العشا ونرجع لكم
يا إنها وناسة والله عن جد والله مبسوطة بزيارتكم
عملتها بعجينة منال العالم اللي وصلتها لنا ام البنوتات
وهنا تشوفوا كل الاشكال والالوان من معجناتي اتفضلوها .
**ملف تطبيقات متميزة**ملف لحفلة معجناتي اتفضلوا شرفوني في حفلتي.
وأكون عملت معكم الواجب واستروا ماواجهتوا ياغاليات
شكر خاص
للغاليات مشرفات الركن
حنان ورندوش والغالية وعود ربي يسعدكم
ومشكورين على استضافتكم لي وإتاحة الفرصة لي في ركنكم الرائع
وتقبلوا مني عقود الورد هذه يامشرفات الاطباق ياغاليات كووولكم
الكرسي الي جنبك على طول من نصيبي
خليني افرح بصحبتك و سفرتك الجميلة
لي عودة حبيبتي
ما شاء الله تبارك الرحمن
لعيون مشرفات المعجنات الحلوات واسبوعهم الشرير اياه تبع الشوكولاتة
هههههههههههه
احبك دعدوعة
بصراحة انا اصبت بالتخمة
اموت في الاكل الهندي .. تسلم ايديك يا حبيبتي
ضيافة معتبرة من ناس مضيافة ما شاء الله لا قوة الا بالله
بس يا ريت تخبريني عن قهوتك الخاصة بالتفصيل الممل
احب المشروبات الغير تقليدية ..
مشكورة عالضيافة يا غالية
و لي عودة ان شاء الله
اصلا لسه فيه اشياء تحتاج التركيز اكثر