السلام عليكم و رحمة الله و بركاته، 
أما أنا عزماكوا النهارده على كباب حلة انما اييييييييه
يا رب يعجبكم:
المقادييييييير:
كيلو لحم مقطع قطع متوسطة.
بصلتين.
4 فصوص ثوم مفرية.
سمن.
فحمة.
ملح ، فلفل ، قرفة ، بهار ، حبهان.
الطريييييقة:
نحط السمنة على النار و لما تسخن نضيف البصل و نقلبه لحد ما يبقى لونه دهبي نضيف الثوم و نقلبه شوية لحد ريحته ما تطلع نضيف اللحمة.
نقلب اللحمة كويس و نضيف الملح و التوابل و نقلب كويس لحد ما يبقى لونها بني نضيف شوية ماء و نغطي الحلة.
نفتح الحلة من وقت للتاني و نزود ميه كل ما تتشرب اللحمة لحد ما تستوي و تشرب كل الميه و بعدين نقلب اللحمة لحد ما تتحمر .
نحط في وسط الحلة طبق فيه شوية سمنة و نحط فيه الفحمة المتوهجة و نغطططططططي الحلة بسررررررررعة و نحط على الغطاء فوطة نظيفة و نسيبها حوالي ربع ساعة و بعدين نرفع الغطاء و نصب على اللحمة السمنة اللي في الطبق و نقلبها كويس و نحطها على النار شوية و نقلبها كويس و بعدين نقدمها ووووووووووووووو بالهنا و الشفا.
وين الأكل 
يسلمووووو ايدك بنت النيل
و اسفة جدا لأني اتأخرت في الرد عليكم و يا رب يعجبكم كباب الحلة، كل سنة و انتم طيبين