السلام عليكم ورحمة الله وبركاته
اخواتي الغاليين……من كم يوم عملت كيكة بالفراولة وجوز الهند والنتيجة كانت اكثر من راااااااائعة وطعمها فعلا فراولة من اوله لاخره وجوز الهند كمان مديها ريحة مميزة وطعم غني…….حبيت اشارككم بيها لانها سهلة جدا وبسيطة والوقت ده الفراولة موجودة بوفرة يعني تقدروا تجربوها وتقولولي رايكم
المقــــــــــــــــادير
الكيـــــــــــــــــــــك:
كوب ونص دقيق
-نص كوب جوز هند
-كوب الا ربع عصير فراولة عليه معلقتين قشطة
-3 بيضات وفانيليا
-كوب وربع سكر
-نص كوب سمن
-2 ملعقة صغيرة بكنج بودر
التزيـــيـــــــــن:
-حبات فراولة تقطع صغير
-كيس كريم شانتيه يخفق بربع كوب عصير فراولة
-ملعقة كبيرة مربى فراولة
-2 ملعقة جوز هند مبشور محمص في ملعقة من السمن حتى يشقر لونه
الطريقة
-ينخل الدقيق مع البكنج بودر
-تخلط مكونات الكيك الباقية ويضاف لها الدقيق والبكنج بودر يصب الخليط في صينية مدهونة زيت وعليها رشة دقيق وتدخل الفرن على 180 لمدة 25-30 دقيقة…وشوفوا ارتفعت وبئت جميلة ازاي
وبس كده…….التزيين نضرب الكريم شانتي بعصير الفراولة ونضيف ملعقة من مربى الفراولة الطبيعي عشان يحلي طعم الكريم شانتي ويدي طعم اقوى للفراولة في الكيك ويظهرها اكتر…وندهن وش الكيك بالمنظر ده
بعد منساوي سطح الكيك كويس…نرش رشة الجوز الهند المحمص ونضيف قطع الفراولة المقطعة صغير
وبس بالهنا والعاااااااااااافية….صدقوني بجد كيكة مميزة وغنية بطعم الفراولة يااااااااااارب تعجبكم وتدعوالي دعوة حلوة يا حلوين
شكلهاجميل جدا
تسلم الايادى الجميلة يارب
والف هنا وعافية على قلوبكم
تسلم الايادي
رائعه
وتنفع للضيوف شكلها مشرف
تم الحفظ ياقمر
واسمحيلى اخد الطبق ده
تسلم الايادي يا قمــــــــر 
ررررررروعة ماشاء الله عليك
بالهناء والشفاء على قلوبكم
فعلا كيكة روعة وتنفع ضيافة للضيوف