المقادير:
كوسا مفحورة مش مثل المحشي أخمل شوي…
لحمه عصافيري
بصل
قرفة
فلفل أسود
ملح
بهار
زيت ذرة
طحينة
عصير ليمون
ماء
الطريقة:
نفحر الكوسا مثل ما قلت و بتكون خميلة شوي و بعدين بنقليها بزيت غزير
بعدين بنقلب اللحمة على النار مع البصل و لما تشرب ميتها بنضيف زيت ذرة و بنقليها و لما تذب شوية بنحط الملح و الفلفل الاسود و البهار و القرفة
بعدين بنعمل صوص الطحينه و طريقته كالتالي و يا ريت تكون بالضبط و دقيقة علشان ما يخرب و الترتيب في وضع المقادير مهم جدًا
أولا نعصر حامض عدد 2 و بنحطهم بالطنجرة
و بعدين بنضيف الطحينة عليهم و بنخلط على طول
لما يصير قوامهم مثل الحمص يعني جامد كتير
بعدين بضيف الماء بالتدريج لما يصير الخليط سسائل مع الخفق المستمر
و بنضيف الملح و بيكون طعم الخليط حادق و اذا لأ ضيفوا شوية عصير ليمون…
و بنحطهم على النار ليغلوا و يتعقدوا منيح في هذه الاثناء بنحشي الكوسا المقلية بشويش باللحمة المفرومة …
و رح تكون مرحلة صعبة لأن الكوسا بتكون طرية كتييير بس بشوية صبر بيمشي الحال….
و لما يغلي الخليط بنسقط الكوسا فيه و غلوتين و بنطفي عليه …..
المفاجأه أني نشيت أصور الصورة النهائية 
عللى العموم اليوم هي غذانا لما أروح بصورها و بنزلها بالموضوع
و صحة على قلوبكم
الحمدلله انا اول وحدة ارد
ياختي على الطبق الرايق
حركة قلي الكوسا اكيد بتخلي الطبق لذيذ
ياسلااااااااااااااام لما تتعمل بالباذنجاااااااااان شو رايك اختي دعاء
دعااااااااء مو تنسي تصوري الشكل النهائي حتى تكتمل الفكرة .
تسلمي لي يادعاء
وربي يبارك فيك
نفس طريقتى المغشى تبعتى وأحيانا بعمله بالبندورة بس بحب الطحينة أكثر…
تسلمى وعلى فكرة تطبيقك فى ركن الحلويات اللى اليوم نزلتيه كتير حلو… شجعتينى أعمله بس قوليلى طلعتى الكرات حبة حبة ولا قلبيتيها قلب
سلام
اول مرة بصراحة انا بعرف انه بينعمل هيك
حجربه طبعا
تسلميلنا
انا عملته بصينيه التشيز كيك و لما تاكلي منه كل حبه بحبتها …
و ما قلبته و حطيت الصوص على الوش….
سندريلا …
شو كنتي تتوقعي ؟؟ كيف بينعمل مثلأ؟؟؟
على العموم جربيه و ما رح تندمي…
لذيذ
عازمه نفسي عندك
بسرعه ردي و بجيب معي فلفل أخضر حراق ولا يهمك 
و بحجزلك طبق …
حماتك بتحبك و الحلو هو كور القرفة بالصوص الابيض
وصفة من الاخت لين الله يخليه طبقتها امبارح و اليوم بتحلى فيها بعد الأكل
مستنياك..
على الطبق الذيذ أنا بعمله بنفس الطريقه لكن أحطه بابايركس بعد القلى ثم أضع عليه الطحينه بعد ما تكون جاهزة وأطعه بالفرن بأحس منظره بكون حلو .
على فكره أنا بعمله بالبندوره
وباللبن
وباليمون على[ قداموه ذى ما يقولوا] على العموم شكرا جزيلا .
ممكن أسئلك سؤال إذا تقدرى تساعدينى أو أى أخت فلسطينيه ح تعرف[ طريقه الفلافل يكون محشى بصل و سماق حسب ما أذكر] مشهور بالقدس وشكرا جزيلا .
شكرا أسفة إذا كنت طولت عليكى .
بس هي على ما أعتقد فلافل عادية و بتنحشي بصل مقلي بالسماق و الفلف الأحمر و بتنقلي
بس قوليلي كيف مخشي كوسى باللبن بسمع عنه بس بدي أعرف طريقة اللبن ..
بس الحلا جربي طعمته و قوليلي
الفلافل نفس عجينة الفلافل بس مثل الكبه يقطع البصل ويرش عليه سماق ويحشى مثل الكبيبه ويقلى وصحتين وعافيه
مغشي الكوسا باللبن مثل الطحينه بس لبن طبيخ يعقد على النار زي طبيخ اللبن و يضاف الكوسا
قلي الكوسا مش كتير زي الصوره بيكون تشويح على الريحه ههههههههههههه
صحتين وعافيه