معكرونه كسلانه 2024.

يبتلكم وصفه سهله مووووووووووت و تنفع يوم ما يكون في مود للطبخ

يالله نبدا

المقادير حسب الكميه و هي كالتالي

معكرونه مسلوقه

صلصل طماطم+ علبة جبنه شيدر+ كمون+ قلقل أسود+ مكعب ماجي+ طماطم مقطع+ شويه ماي يعني ربع كوب بالكثير و في الخلاط

و لما ينخلط المزيج زين…….. و طبعا بيكون غليظ ….. حطيه في قدر و على النارو اضيفي له شويه زيت و لما يحمى أضيفي المعكرونه و قلبي مع بعض و خففي النار و غطي القدر و خليه على النار حوالي 20 أو 30 دقيقه .. حتى تمص المعكرونه الصلصه

شفتوا ما قلت لكم سهله و الله و بتلاحظون اني ما حطيت الملح لانه الشيدر مالحه و ما تحتاج ملح

يالله هني و عافيه على قلوبكم

.

يسلموا الأيادي اللي سلقت واللي حضرت
وصحتين وعافية على قلوب اللي اكلوا.

هلا أم يوسف……. الله يسعدج يا أم يوسف دائما و يخلي الضحكه ما تفارك فمك أبد

وعود يا وعود…. آآآآآآآآآآآه و ين نحنا نجي جنب نشاطكم ….نحنا زيرو على الشمال و مشكوره عيوني على المرور

الله يعطيك ألف عافية

مو الياسي نوع من انواع الورود والا انا غلطانة !!

مشكورة حبابتي

حسوسه صح كلامج الياس نبات عطري و له ورده صغيره و كانوا الحريم اول يجففون اوراقه و يطحنونها و يحطونه كعطر………..و بعد نحنا نقول ياسي نسبه لبني ياس…وهي مجموعة القبائل اللي شكلت النواة الاولى لامارة ابوظبي…………… .أكيد انتي تسالين نفسج هذا منتدى الطبخ و لااااااااااااا

يالله دوخت راسج و مع السلامه