امبارح بالليل ما جاني النوم وكنت سهرانه ومصحصحة قلت خليني اعجن عجينه للمناقيش (ونحنا بنحكيلها منائيش) واخليها تخمر وبس ياذن الفجر بصلي وبرقها واخليها ترتاح شوي وابدأ بالخبز فيها.
صورة فطوري انا وزوجي اليوم اللي عملته وهي المناقيش
ملاحظة: هذه العجينة تنفع لجميع أنواع الفطاير والمناقيش والبيتزا وهي هشه ولذيذة جدا وزوجي يحب هذه العجينه واهل زوجي ومتعلمتها من امي الله يخليها لنا، وهي هشة وطرية ولذيذة وكل من ذاقها سأل على مقادير العجينة.
المقادير للعجينة
– ثلاث أكواب طحين أبيض "المطاحن الكويتية" وينفع بغيره من النوعية الجيدة.
– ربع كوب زيت عادي.
– ثلاث ملاعق كبيرة حليب بودرة.
– ملعقة صغيرة ملح "غير طافحة".
– ملعقة صغيرة خميرة فورية.
– كوب ماء دافيء (احيانا تحتاجي تزودي الطحين ملعقتين ثلاثة اذا كانت العجينة تحتاج).
طبعا العجينة لما تعجنيها لازم تكون طرية نوعا ما ولكن غير ملتصقة لا تخليها جامده كثير.
انا استخدم خلاط العجين لكن عادي ينفع خلطها باليد اذا ما كان عندك خلاط العجين.
اول شيء احط كل المقادير ما عدا الماء وافركها شوي وبعدين احط الماء واعجن حتى تتكون عجينة طرية قليلا غير ملتصقة.
واغطيها وادعها تخمر ساعه ونصف تقريبا واذا الجو بارد قد تحتاج اكثر من ساعة ونصف.
وبعد ذلك ارقها بالشوبك (الشوبك = فرادة العجين الخشب) ولا تخلي العجينة كتير سميكه خليها وسط وبعد ذلك اجيب صحن مدور واقطع دوائر حوالي يطلع معي اربع دوائر من كمية العجين هذه طبعا اذا كنتِ تريدين حجمها للمناقيش واذا اردتي تصغيرها يطلع لك اكثر من هذا العدد من الدوائر على حسب راحتك.
مناقيش بالجبنه العكاوي
– جبنة عكاوي تشيكي (ضروري تشيكي لانها تذوب اما بعض انواع العكاوي لا يذوب) اللي بالامارات وبالرياض تلاقونها بكارفور ومكتوب عند اللي يبيع الاجبان جبنة عكاوي (تشيكي).
طبعا تحليها شوي بالماء وتخلي فيها طعم ملح شوي وتبرشيها بالمبرشه على الجهة الكبيرة.
– بعدين تحطي شوي زيت زيتون + رشة سمسم + رشة حبة البركة السوداء + نعنع ناشف (للي يحب) او بقدونس مفروم ناعم (حسب الرغبة)
تخلطيهم مع بعض بالملعقة وتحطيه على العجينه وتدخليها الفرن ولما تشوفيها استوت ترفعيها وتطلعلك مناقيش جبنه 
مناقيش باللبنه والزيتون
تدهني العجينة باللبنه وتحطي شوي زيت زيتون وحبات زيتون مقطعه
طبعا ممكن تسويها صفيحة باللحمه من نفس العجينه وممكن تحطي اي حشوه ترغبي فيها .
والف صحة وهنا وان شاء الله تكون اعجبتكم :27: [/align]
فنانة بحق شغل معدل…
ان شاء الله اعملها للكتيبة الموقرة ..
ربي يعطيكي صحتك
شكلها بتشهي
مليكه اول ماشفت اسمك جيت ركض
وين الصور يالله؟!
صدقي انا شفت الموضوع من الصبح بس ما عرفت ارد لانه المنتدى كان بطئ كتير
شي بشهييييييييييييييي تسلم الايدين يا رب
ان شاء الله بجربها
طيوفه مس يو كتير انا كيفك يا قمر ؟؟
الشكل رووعه واكيد الوصفه رووعه
تسلم يدك مليكه
..
وان شاء الله تجربوا الطريئه وتعجبكم وصحه وهنا على قلوبكم كلكم
شكرا كتير على طلتك على الموضوع
بس غريبه انتِ مش شايفه الصور الصور موجوده بالموضوع والبنات كلهن شايفينها؟ شو القصه؟