صباحاتكم وردية بلون الحب 
النهاردة معايا قنبلة من العيار الثقيل (الكريب البانيه)
كان فيه ناس – يا حبى ليهم – ورطونى فيه وعملته وعملت حشوة فظييييعة كانت بصراحة تحفة
يلا نعمله وندوقه مع بعض
ونعمل تششششش لعيون ام عدى
مقادير الكريب انا عاملاه هنــا لكن بدل الفانيليا بحط رشة فلفل اسود وبقلل كمية السكر للربع وبث 
الكريب البانيه
للحشوة
الخليط ممكن تستخدميه فى حشو الفطائر أو البيتزا أو مع المكرونة يعنى كله شغااااال 
صدور فراخ مقطعة قطع صغيرة
فلفل ألوان مقطع مكعبات صغيرة
بصلة متوسطة مقطعة مكعبات
2 ملعقة كبيرة صويا صوص
4 ملعقة كبيرة قشطة أو كريمة
ملعقة كبيرة جبنة كاسات بطعم الشيدر (أو زى ما تحبى)
ملح وفلفل اسود << اختفى من الصورة 
تابع باقى المقادير 
مشروم طازج مقطع و2 ملعقة كبيرة زبدة 
فى ملعقة زيت زيتون نشوح البصل
وبعدين الفراخ حتى يتغير لونها .. مع رشة فلفل اسود علشان ريحة الزفرة
وبعدها نضيف الفلفل الألوان
وبعدها نضيف الصويا صوص ونقلب ونظبط الملح ونضيف القشطة والجبن ونتركها على نار هادئة تستوى بعد ما نغطيها
نيجى للمشروم
نسيح الزبدة على النار
ونضع المشروم مع رشة فلفل اسود
و3 دقايق يبقى جاهز
وهنا شكل الخليط لما استوى
نضع جزء من خليط الفراخ
وبعدين جزء من المشروم بالزبدة
وزيادة فى التشويق والإثارة حطى جبنة سلايس او موزاريلا
ونلفها روول ونقفل الجوانب
نجهز بقى الثنائى المرح
بيض وبقسماط
ودى شكل البيضة للى مش عارف شكلها 
وده شكل البقسماط للى مش عارف شكله برضوا
نخفق البيضة مع فلفل اسود
ونغمس فيها الكرباية
وبعدين فى البقسماط
ويبقى الكريب جاهز للتشششش
وفى زيت الذرة نقليه انتبهى فى لحظات بيتحمر كل حاجة مستوية جواه يادوب لون ذهبى اللى بنحتاجه
وبالف هنا وشفا يارب
سر …
قعدنا نلعب انا ومحمد بالكاميرا ونصور من كل ناحية وانتوا الضحية
نتيجة اللعب تحت
مكونات لذيذة و صور جميلة يا سلام
تسلم ايدكم و بالصحة و الهنا عليكم
يميييييييييييييييييييييييييييييييي
انا دخت آه راسي
أحمدك يا رب
وأخيرا شفت شكل البيض
يا فرحتي
بنت انتِ اطلعي من دماغي مش فايقة لك
عندي شغل كتيييييييييييييييير
يمكن بعدني احلم خليني اصحصح وارجع لك
اروع من رااائع يا بيرو
ما شاء الله تفوقت على نفسك
تسلم الايادي الحلوة
وصحة وهنا
ما شاء الله عليكي
طالعيييييين معك تححححححححححفة يا حلوة
و لا البيضة يا خرااااااشي دن افتكرتها مربعة خخخخخخخخخخخخ
يسعدك ربي يا عسل
و لو الحكاية فيها ضحك لعب و ضحايا يبق نعمل الكريب بانيه دائما خخخخخخخخخخخخ