ღღوصفه مبتكرهღღالفطير بالكريمه والسكر من مطبخى اليكم مباشرة وبالصور 2024.

الفطير بالكريمه والسكر من مطبخى اليكم مباشرة وبالصور

ازيكم يا اجمل سيدات وكل سنه وانتم بخير رمضان سعيد علينا وعليكم وعلى الامه الاسلاميه يا رب
عاملين ايه يا رب تكونوا بخير
استكمالا لموضوع الفطير
الحادق الى عملته
على الرابط ده

ღღوصفه مبتكرهღღالفطيرباللحمه وفطير بالجبنه ولا احلى فطاطرى من مطبخى وبالصور طبعا
وطبعا نفس المقادير
للعجينه
اما مقادير الكريمه

نصف كيلو لبن
2 معلقه سكر
2 معلقه نشا مدوبه فى نصف كوب ماء
ونقلبهم مع بعض على البارد ثم يضعوا على النار
لغايه ما تبقى زى المهلبيه كده بالضبط وتترك حتى تبرد تماما
بس لازم تبقى تخينه مش سايبه

الطريقه

ده شكل العجينه بعد ما عجناها وقسمناها 5 قطع وحطينا عليها الزيت

طبعا لازم نسيبهم ترتاح كويس وبعد كده ناخد اول قطعه نفردها بالشكل ده
شايفيين الطبقه رفيعه ازاى

بعدين نطبقها مربعه زى الظرف ونفرد طبقه تانيه ونحط الولى جواها كده

ونحط عليهم المهلبيه
ونكرر العمليه ده كلها لغايه ما نخلص جميع الطبقات

نحطها فى الصينيه ونفردها كويس على اد الصينيه

وبعدين نحطها فى الفرن
وده شكلها بعد ما استوت

وده صورة كمان

وده كمان

بعد ما تطلع بنرشها سكر بوده على الوش وشويه سمن

اه نسيت اقولكم طبعا بندهن زيت او سمن بين طبقات العجينه

ايه رأيكم يا حلوين كده نكون خلصنا الفطير بانواعه الحادق والحلو