●•°حلى متميز°•● كيكه بودنغ التمر و الجوز بالصور من مطبخي 2024.

صباح الانوار صبايا
كيكتي اليوم خفيفه و الصوص تبعها منها فيها …غريبه صح؟
هاي كمان وصفه من موقع اجنبي انا بعملها من سنين و كتييييييييييير طيبه دافيه او بارده و بامكانك تقدميها بعده اشكال
يالله عالمطبخ و رح تعرفوا شو قصدي

المقادير
11/4 كوب طحين
1/3 كوب سكر
(الوصفه الاصليه بتستعمل سكر بني بس انا احيانا بعمله بسكر ابيض متل اليوم و بتطلع روعه كمان)
3/4 ملعقه صغيره بيكربونات الصوديوم
1/2 ملعقه صغيره بيكنغ باودر
1/8 ملعقه صغيره جوزه الطيب
1/4 ملعقه صغيره ملح
1/4 ملعقه صغيره هيل (اختياري)
1/4 ملعقه صغيره قرفه (اختياري)
1 كوب من التمر المنزوع النوى (بامكانك تستعملي العجوه)
3 ملاعق كبيره زبده او مرجرين (حوالي 1/2 اصبع زبده)
1 كوب ماء مغلي
1 ملعقه صغيره فانيلا
1/2 كوب جوز مفروم
1 1/2 كوب ماء مغلي
1 كوب سكر

الطريقه

في وعاء اخلطي التمر و الزبده و صبي عليها كوب الماء المغلي

حركي حتى يصبح المزيج ناعم (اذا لم يذوب التمر بسهوله ضعي المزيج في طنجره على النار و حركيه و سيذوب التمر)

اضيفي معلقه الفانيلا للخليط و حركي

في وعاء اخر اخلطي الطحين و 1/3 كوب السكر و بيكربونات الصوديوم و البيكنغ باودر و جوزه الطيب و القرفه و الهيل حتى يختلطوا ثم اضيفي الجوز و حركي

صبي مزيج التمر على خليط الطحين و الجوز و حركي حتى يتجانس

اسكبي المزيج في صينيه غير مدهونه
(لا زيت و لا زبده و لا طحين..و لا تخافي ما رح يلتصق الكيك بالصينيه)

اذيبي كوب السكر في كوب و نصف ماء مغلي و صبيه على وجه الكيك

(و لا تخافي…الجمله مكتوبه صح هههههه صبي الماء على الكيك)

ضعي الصينيه في الفرن على حراره 180 (سخني الفرن قبل وضع الكيك) ستحتاج حوالي 45 دقيقه و لكن هذا يختلف من فرن لاخر
ستعرفين انها نضجت عندما تغرسين سكين في الوسط و تخرج نظيفه

و هذا شكلها بعد خروجها من الفرن

لاحظي عند النظر للقالب من الجانب ستلاحظي وجود طبقه شبه سائله تحت الكيك..هذه هي الصوص

و هاي صوره بعد التقطيع…لاحظي الصوص اللي بيتكون تحت الكيك

المبدأ في هذه الكيكه انه الماء المغلي و السكر اللي وضعناه على الوجه بيذوب بعض من خليط الكيك و بيتكثف اثناء وجوده في الفرن و بيتحول لصوص راااااااااااااائع

خيارات التقديم:

بامكانك تقديم الكيكه دافئه مع الفراوله
بامكانك تقديمها دافئه مع كريما مخفوقه
بامكانك تقديمها دافئه مع بوظه فانيلا او بوظه بنكهه الموز ممممممممممممم
و بامكانك تبريدها و تقديمها مع الفراوله او فقط مع الصوص

و في كل الحالات طعمها اكثر من رائع

انا قدمتها مع الفراوله و صبيت الصوص على الوجه

و هذه من الجانب

و هذه لاول رد

و هاي كمان للصبايا الحلوين

اتمنى تعجبكم الكيكه و جربوها لانها كتيييييييييييييير طيبه
فاصل قصير و نعود مع سين جيم

سين جيم

س: سوسن الكيكه ما فيها بيض؟ و الا نسيتي تكتبيها؟
ج: لا الكيكه ما فيها بيض

س: الكيكه ما فيها حليب؟
لا كمان ما فيها حليب

س: طيب ما بتطلع ناشفه؟
نهائي لأ ..بتطلع كتيييييير طريه و ما تنسي الماء اللي اضفناه بيعطها طراوه

س: طيب بلاش ناشفه…ما بتخبص(بتطلع طريه كتيييير) من الماء؟
ج: لا كمان ههههه الكيكه بتستوي و بكون قوامها مثل اي كيكه هشه عاديه

س:طيب ما بتطلع حلوه كتير من التمر و السكر؟
لا ابدا بتطلع خفيفه جدا و طعمها طيب

هههههههه انا حاولت اجاوب على الاسئله اللي توقعت تخطر في بالكم…و اذا في اي استفسارات اخرى انا جاهزه

ما شاء الله عليك

تسلم ايدك عليها بجددددددددد رائعه

ابدعتي