●•°حلى متميز°•● وداعا" للاكتئاب مع التلبينة وصانا بها نبينا*** 2024.

أخواتي العزيزات
موضوعنا اليوم مختلف شوي … يمكن معظمكن سمع بالتلبينة و هي عبارة عن حساء يصنع من دقيق الشعير و العسل و سميت تلبينة لشبهها باللبن..و قد ورد الكثير من الأحاديث النبوية بهذا الخصوص فقد روى البخاري رحمه الله عن عائشة رضي الله عنها قالت : قال رسول الله صلى الله عليه و سلم( التلبينة مُجمة لفؤاد المريض تَذهب ببعض الحُزن ) و غير ذلك الكثير ، اذا كملت رح تفكروا وظفوني بالجامع لخطبة الجمعة…و قد أثبت العلم الحديث الفوائد العظيمة للتلبينة سواء نفسية أو جسمية..(صرنا ببرنامج الصحة و الحياة ) ..طيب بتعرفوا من وين جبت الشعير؟؟؟!!!

من أول ما سمعت بالتلبينة و أنا دور عالشعير و أسأل عنه و كل ما يسمعني حدا يضحك عليي و يقولولي هاد للخواريف و الدواب أنتو اكبر قدر ،و ما رديت على حدا و ضليت أسأل و دور لحتى صار عرس أخي عقبال عند أولادكن و جابوا أهلي الخواريف لعزيمة العرس(جابوهن قبل بيوم و احزروا شو جابوا معهن ..شعييييير) و بس دبحوهن تاني يوم ، لقيت أنو في كيس كبير شعير و طار عقلي من الفرح الخواريف المساكين ضحوا بحياتهن من شاني و أنا لطشت الشعير ، و جبتوا معي للبحرين ، مدري شو رح اعمل بس يخلصوا …ما تآخذوني حكيت كتيير و مللتكن يللا تعالوا عالمطبخ نشوف كيف عملنا التلبينةهادا هو الشعير بطل قصتنا اليوم…

[center]نطحنه عالمولينكس لعمل التلبينة، ما بيصير ناعم كتير بس مو مشكلة لأنو رح يستوي بالطبخ،و بيصير كما يلي:[/cent:

er]

*الآن بوعاء نخلط على البارد كوب طحين شعير مع 7 أكواب حليب و نحليه بالعسل و ممكن السكر العادي ،نستخدم بمعدل ملعقتين سكر أو ملعقة كبيرة عسل لكل كوب ،أو حسب الرغبة.

*نضع لوعاء على النار و نستمر بالتحريك حتى تتمازج المواد نخفض النار و نعير ساعة كاملة ، و كل شوي منحرك حتى لا يلتصق…

*الآن نحصل على سائل كثيف ، يلي بيحب ممكن يستخدم هالشكل كشرب بالفنجان..

*نحنا منحبو سميك،لذلك أضيف ملعقتين نشاء نذوبها بماء بارد و نضيفها للتلبينة و يا دوب تغلي غلوة نرفعها عن النار و نضيف مقدار فنجان قهوة من ماءالزهر لأنو لحالو مو كتيير طيب.

*و طعمه بيشبه المهلبية ،و بيكفي أنو رسول الله وصانا فيه**

*وبعد كتر الحكي و نشفان الريق تفضلوا ..تغذوا روقوا بالكن و هدوا أعصابكن و مع ألف صحة و هنا***

*شو ما كفوا طيب خدوا هدول كمان ..ان شاء الله عوافي***

*كيف راقت أعصابكن

وسبحان الله دي وصية الرسول تعرفي اول ماقريت استغربت بس سألت طلعت صح بتزيل الهموم وتعمل لمن تكون في البيت عزا او شي وجزاك الله الف خير على دي المعلومه

ومشكوووووره على الصور والشرح المميز لازم يثبت

كتبت بواسطة naha

بسم الله ماشاء الله
انا قرأت عن التلبينة في الانترنت وكان نفسي اعملها
ان شاء الله اقدر احصل على الشعير واعمل نفس طريقتك
الله يجزاك الخير

تسلمي حبيبتي…أهلا و سهلا فيكي..
اعمليها و رح تشوفي النتيجة بنفسك، بالعافية ان شاءالله***

كتبت بواسطة لوزه حجازيه

بصراحه شكلها مررره روعه

وسبحان الله دي وصية الرسول تعرفي اول ماقريت استغربت بس سألت طلعت صح بتزيل الهموم وتعمل لمن تكون في البيت عزا او شي وجزاك الله الف خير على دي المعلومه

ومشكوووووره على الصور والشرح المميز لازم يثبت

أهلا" حبيبتي نورتي
الله يجزي الخير للجميع يا رب و يقدرنا على فعل الخير***

كتبت بواسطة ام سوسو 2024

اللهم صلي وسلم وبارك على سيدنا محمد وعلى آله وصحبه اجمعين
جزاك الله خيرا على الوصفة الحلوة
انا بعاني من الاكتئاب كتيييييييير
انشا الله ببقى اجربها
بارك الله فيكي على الوصفة الحلوة والاحلى انه الحبيب المصطفى وصانا فيهااااا

اهلين حبيبتي أم سوسو
جربيها و ان شاء الله بتصيري بأحسن حال…أن شاء الله عوافي ***

كتبت بواسطة أم مــــالــــك

ماشاء الله عليكي
بارك الله فيكي
وصفه رائعه يكفي انها من وصايا الرسول الكريم صلوات الله عليه
تسلم ايدك يارب

الله يبارك فيكي أم مالك و يخلي أولادك..
تسلمي حبيبتي***