**|-*¨®¨*-|كيكة الخضار من مطبخي |-*¨®¨*-| 2024.

هلا والله الغاليين ..
مرحبابكم بمطبخ قلب الامارات من جديد ..

بندا بسم الله ..

المقادير ..

كوبين طحين
كوب زيت
كوب ماء
3بيضات
6حبات جبن كيري
كوب حليب بودره
(ملح ـ فلفل اسود )
ملعقة بيكنج بودر
رشة فانيليا .. او رشة ثوم مطحون
خضار مبشوره مشكله(بطاط ـ جزر ـ بصل ـ كوسه ـ بقدونس ـ كزبره )

الطريقه ..

نخلط بالخلاط اليدوي ( البيض والزيت والماء والفانيليا او الثوم ) يخلط جيدا
بعدين نحط عليهم الجبن ..

بعدين نحط ( الطحين والحليب والبيكنج بودر و الملح والفلفل ) ونخلطهم زين

بعدين نحط عليه الخضار ونخلطهم بالملعقه ،، نصبهم بالصينيه المدهونه ..

بالمره الاولى حطيت عليه جبن شيدر مبشور بعد ماطلعته من الفرن ..
وطلعت طعمه حلو .. والمره الثانيه خليته ساده ..

ما شاء الله عليكي وبما إني أول رد بأخذ الطبق….

بس عندي أستفسارين:

الفانيليا ما بتخرب طعم الخضار وتخربط النكهات؟وممكن الإستغناء عنها بالخل؟؟

والخضار تكون نصف طبخ .. ولا بتنضج بداخل الكيكه؟؟

وأسفه على الإطاله… وسلمت يمناكي أختي

يسلموو على الكيكه
شكلهاا بيشهي