انا سنة أولى في كلية العلوم وكان هدفي صيدلة مو علوم
بس قدر الله وماشاء فعل وأنا أستخرت كم مرة وربي كتبلي التوفيق في كلية العلوم
والحمد لله وأنا ماعندي أحد في العائلة كلية علوم وأنا أعتبر هذا المنتدى بيتي وناسي الثانين
وياريت تقولولي رأيكم في كلية العلوم اللي في جامعة الملك عبد العزيز وعن الوظائف المتوفرة
لخريجات هذه الكلية وهل الدراسة باللغة العربية أم الإنجليزية ؟
وياريت تخبروني عن مميزاتها وعيوبها وهل هي صعبة
وهذا الموضوع للنقاش وكل وحدة تقول رأيها عن الكلية حتى لو ماكانت في كلية العلوم
وشكـــــــــــــــــــــــــــــــــــــــــــــــ ـــــــــــــــــــــــرا
وعقبال اما نبارك على الدكتوراة
وانشاء اللة الاخوات فى المملكة يفيدوكى
وإن شاء الله الاقي الخير في هذه الكلية
وأنا بإنتظار تفاعل باقي الأخوات
أول شي بما انك سنة أولى << أهلا بكِ في جامعة الملك عبدالعزيز
شوفي دامك استخرتي، اذًا اتوكلي على ربك وصدقيني تلاقي الخير هنا ان شاءالله ..
المهم انك تحبي العلوم وتحبي دراسته وتتقبليها عشان تقدري تمشي فيها وتستمتعي بها، وكل ما استمتعتي بدراستك كل ما أبدعتي فيها أكثر ..
أنا ماأدرس علوم،وبصراحه ماأبغى أتوهك بكلامي لأني ما اعرف كثير في العلوم، بس أسمع من صاحباتي ،، فحبيت أفيدك ولو بالقليل اللي اعرفه 
صاحباتي اللي فيها مبسوطين الحمدلله ..
أقسام كلية العلوم أكيد انتي عارفتها، وهي: الرياضيات/الأحياء/الكيمياء/الفيزياء/الحاسب الآلي
اللي أعرفه انه للقسم الواحد ما شاءالله تفرعات عديدة ،،
أقصد انه الأحياء مثلا يتفرع لكذا تخصص (على ما أظن، أحياء نبات/أحياء حيوان/ …الخ)، وعلى حسب التخصص تأتي الوظيفة، يعني في تخصص تتخرجي منه وتعملي في مستشفى وفي تخصص تعملي في مكان ثاني ،. وكذلك الكيمياء و….
وبعض التخصصات دراسته تحتاج للتدريب في مستشفى مثلاً، وفيه تخصصات ماتحتاج …
ان شاءالله أكون أفدتك وما خبصت في الكلام 
!!
ان شاءالله حتلاقي من الأخوات اللي يدرسوا علوم ويساعدوكِ ..
..جاتك بنت العلوم
حبيبتي العلوم أقسامها زي ما قالت لك الحلوة قلب اختها
رياضيات ، احصاء ، كيماء ، كيمياء حيوي ، أحياء نبات ، احياء حيوان ، احياء دقيقة ، فيزياء ، حاسب الي
بس الحاسب اعتقد خلاص انفصلت صارت كلية لوحدها
المهم عندك كل الاقسام دراستها انجليزي ما عدا الاحياء بفروعه عربي و اعتقد في مادتين بس انجليزي
بالنسبة للوظائف و الله يقولوا في وظائف بس انا مو مصدقة هذا الموضوع
يعني لمن اسأل المستشفيات يقولوا ايوه ممكن ناخذ الكيمياء الحيوي لان هذا تخصصي بس يقولوا ناخذ الاول
بنات التقنية الطبية
أما الباقي والله ما قد سألت عنه
و العلوم حبيبتي بكل اقسامه فيه السهل و فيه الصعب
بالبداية راح تدرسي مواد عامة لمدة سنة و بعدين تتخصصي
بس في شغلة بقولك عليها عشان اذا صارت لك تكوني مستعدة نفسيا و ما تنصدمي مثلي
المعامل في العلوم أغلبها تبدأ متأخر مو كلها بس الاغلب
يعني اذا شفتي في جدولك يوم تخرجي العصر لا تنفجعي خذي الامر ببساطة
لان معامل العلوم تبدأ من الساعة 11 فما فوق
القليل منها يبدأ الساعة 8
و من جد العلوم رووووعة و شي خيااااااااااااااال
و انا الحين بالمستوى الخامس و مبسوطة فيه مرررررررررررررررررررة
الله يسهل لك كل الخير
و اي استفسار انا حاضرة
دمتي بود
اختك : طيف المشاعر
واالله يعطيكم العافية
وعندي سؤال لك طيف المشاعر بما أنك علوم وتخصصك هو نفس التخصص اللي أتمناه
هل الدراسة من سنة أولى باللغة الإنجليزية يعني كل المواد ؟
والكيمياء الحيوية كيــــــــف معاك وهل الدراسة فيها بلأنجليزي ؟ و اللي يدرسوا معظمهم رجال أم حريم ؟ معليـــــــــــــــــــــــــش طولت عليكي ومشكوررررررررررررة
جوهرة اعتقد الحين بالنظام الجديد صار كله انجليزي
طبعا ما عدا العربي و الثقافة الاسلامية مهارات الاتصال
والكيمياء الحيوية كيــــــــف معاك وهل الدراسة فيها بلأنجليزي ؟ و اللي يدرسوا معظمهم رجال أم حريم ؟
الكيمياء الحيوي جنان مرررررررررررة حلو
و انا الحمد لله مااااشية فيه و عاجبني
دراسته بالانجليزي بس فيه مادتين او 3 بس بالعربي و هي مواد تابعة لقسم الاحياء
و اللي يدرسوه كلهم حريم
تقريبا كل مواد العلوم يدرسوه حريم
معليـــــــــــــــــــــــــش طولت عليكي ومشكوررررررررررررة
تعبك راحة يا ست الكل
و نتشرف بمساعدتك
و راح تنور العلوم بقدومك
وكلية العلوم من أول منورة بصحباتها العسولات
وبغيت أسألك إحس إنه الدراسة بلأنجليزي صعب ولا إيش رأيك ؟
هل إبغالي أقوي نفسي في الإنجليزي ولا حيكون سهل ؟
وإنتي لما دخلت كلية العلوم هل أخذت دروس في الإنجليزي قبل ماتدخلي كلية العلوم ؟
لأنه سمعت إنه الكليات الصحية لازم بناتها يأخذوا دورات في الإنجليزي ؟
وجزاك الله خير وإن شاء الله نتقابل في الكلية
دمتي مبــــــــــــــــــــــــــــــــــــــــــــــــ ـــــــــــــــــــــدعة