هلا بكن أخواتي
اليوم فرحتي كبيرة بأن أنزل لأول مرة طبخة لي بالصور
حتشوفوا مني كثير
بقصد طبخات بالصور
واليوم طبختي لذيذة كتير كتير كتير فوق ما بتتصوروا وفوق كل هالشيء غير مكلفة وأكثر من هيك أنها سهلة التحضير يعني بصراحة أنا بساويها باليوم اللي ما بدي أتعذب فيه بالطبخ أو لما يجي لعندي ضيوف فجأة على الغذاء بساويها بسرعة ومنظرها مفتخر أمام الضيوف
نسميها بالشام انكنار، بس هي أيضاً لها اسم ثاني وهو أرضي شوكي – وهنا بالسعودية يسمونها خرشوف…. بصراحة هيدي أول مرة بسمع بهالاسم لها………. المهم لما شفتها بسوبر ماركت الجسر فرحت كتير وأخيراً وجدت انكنار بالسعودية، لأنه بصراحة عنا بالشام ما بينقطع من البيوت لأنهم يمونوه بالثلاجة ، وطبعاً كنا ببيت أهلي نقشره ونحفره ثم نضعه بحمض الليمون أما هنا فستجدونه جاهزاً مقشراً محفوراً يعني للطبخ ثم الأكل
طولت عليكم
خلص سأبدأ بمتطلبات الطبخة، انكنار……..لحمة ناعمة…….. وجزر ,,,,,,,,, وحبات ذرة صفراء…… بازلاء خضراء ……… فاصولياء
وهيدي صورة للكيس اللي اشتريته من السوبر ماركت ، واللي ما عندها جزر وذرة وبازلاء وفاصولياء بالبيت بإمكانها تشتري كيس خضراوات مشكلة وتختصر التعب
بصراحة أنا أضع الانكنار وكيس الخضراوات المشكلة كله مع بعضهم بطنجرة لأسلقهم مع بعضهم على النار ثم بعدما يستوون نوزعهم بالطبق هكذا كما في الصورة
بكون خلال فترة سلق الانكنار مع الخضراوات المشكلة مع بعضها، حطيت اللحمة الناعمة في طنجرة اخرى على النار مع شوية سمنة أو زيت نباتي وأقلبها على النار حتى تستوي بشكل جيد
بعد ذلك نصفي الخضراوات من المرقة ونضعهم فوق اللحمة الناعمة ونسويهم معها حتى يأخذوا نكهة السمنة ويقلبوا مع اللحمة قليلاً حتى يصبح لدينا كما في الصورة
ثم نبدأ بتوزيع اللحمة الناعمة والخضراوات المشكلة فوق الانكنار حتى نعبئ كل واحدة بهالتشكيلة اللي ألوانها ألوان بتجنن تفتح النفس كما في الصورة التالية:
[
يقدم مع هذا الطبق الرز الأبيض بالشعيرية شوفوا الصورة ما أحلاها شيء بيرفع الرأس
وهيدي صورة ثانية قبل أن تؤكل عن آخرها، لأنه أنا وزوجي نحبها جداً جداً
واليوم جاني ضيوف وسويتها لهم وطار عقلهم بها، أولاً لأنهم لم يسمعوا بالانكنار وثانياً لأنهم أول مرة بيذوقوا هيك أكلة حامضة ولذذذذذذذذذذذذذذذيذة بنفس الوقت
ناطرة منكم آرائكم حول هالطبق اللي شخصياً بحبه من لما كنت ببيت أهلي الله يذكرهم بالخير
يسعدني أن أكون أول من ردت على موضوعك اللذيذ
تسلم دياتك ,,
إضافة الخضار شغلة جديدة علي
على فكرة الصور مو كلهم واضحين 
بارك الله بك على مرورك وردك السريع وأقوم حالياً بتعديل الصور فمثلما قلت عزيزتي هذه أول تجربة لطبق لي بالصور
أسعدني مرورك أختي الكريمة
يسلم ايديك
هلا بالأخت الأمل الجميل بارك الله بك وأسعدني مرورك لو فيني ذوقك منه والله ما قصرت لأنه كتير طيب
عندي سؤال ؟؟
إنتي ما بتقلي الأرضي شوكي قبل ما تحشيه بالخضار ؟؟
طيب و بعد ما حشيتيه ما تطبخي الكل بالمرق قبل ما تقدميها مع الرز ؟؟
عندي اليوم عزيمة و حابة جرب طريقتك
أنتظر ردك قبل ما تخلص عزيمتي
ممممممممممم شو هلالاكلة غير شكل
هاي الاكلة امي كانت تسويها بس بعد ما نزوجت ما عدت اكلتها
لانو ما نعلمت اطبخها بس هلق عرفت
ان شاء الله شي نهار بجربها
يسلمواايديك يارب
أم
أم أم أم أم أم أم أم أم أم
على هذه الطبخة الرائعة وحقيقة نحتاج بعض المرات إلى أكلات سريعة عندما نكون متعبين
جزاك الله خيرا حبيبتي
كيفك ماشاء الله تبارك الرحمن شكل الطبخة رهيبة
بس ماعرفت شو المقصود بالانكنار
له اسم ثاني ؟
صار خاطري اجربها ومشكورة ياقلبي