هى مين؟
أعز صديقاتى
عرفتها عن طريق نشاط طلابى هادف فى الجامعه ويشترك معانا فى هذا النشاط طلاب شباب على أخلاق عاليه والكلام بيننا لا يتعدى حدود الشغل لكن واحد منهم أعجب بيها و مشكلته الوحيده إنه متأخر فى دراسته لأنه بيشتغل بجانب الدراسه (رغم إن أهله متوسطين الحال ولا يحتاج للشغل) مع شوية إهمال منه للدراسه المهم صارحها بمشاعره وإنه عايز يتقدم لها بأسرع وقت وهى لاقت فيه حب وحنية مالقتوش فى خطيبها السابق اللى يقرب لها بعلاقة قرابة وكمان إنسان ملتزم وربنا هداه منذ دخوله النشاط الطلابى ده وقرب لربنا أكتر فى الفتره دى عرف أهله بالموضوع وهما موافقين أما أهلها لما عرفتهم هى رفضوا رفض شديد لأنها الآن تخرجت وإنه لسه بيدرس وبالتالى إمكانياته المادية ضعيفه بالإضافه إنه لسه قدامه سنتين على ماينهى دراسته ومايزيد الموضوع تعقيد العرسان اللى بيتقدموا لها كلهم من النوع اللى معاه فلوس وجاى يشترى سلعه بمواصفات معينه وأهلها فرحانين بكده جدااا منهم اللى مكون نفسه وسنه أكبر منها بكتير ومنهم اللى متوسط الحال لكن مشهور بأخلاقه السيئه جدا ((ولا يتخير عن خطيبها السابق اللى إتخطبت له برضه عشان ترضى أهلها ولما إكتشفته وحبت تسيبه أكتر من مرة أهلها إعترضوا بشدة لسبب بسيط جدا لكن عندهم مهم الناس تقول علينا إيه لما نفسخ الخطوبة)) ومنهم اللى فى نفس سنها بالظبط وأهله أغنياء وعلى إستعداد إنهم يتحملوا نفقات الزواج وهو كل دوره إنه بس يتجوز وكل مرة البنت ترفض أمها المريضه تبكى لها بشدة فالبنت تحس بالذنب تجاه أمها وتخاف على صحتها ده غير الكلام اللى أمها بتسمعوا لها من النوع المؤلم وموقف أبوها وأخواته وجدتها لايختلف عن موقف أمها و المشكله الأكبر إن أمها قالت لها إنه إستحاله هتوافق على إنها تتجوز زميلها اللى هى عايزاه
(( وعلى فكرة هى ماعملتش حاجه حرام مع الولد اللى بتحبه الموضوع مجرد كلام بسيط بينهم ليطمئن عليها وفى حدود زمالتنا فى النشاط الطلابى الهادف واللى لسه مرتبطين به وبأساتذتنا فى الجامعه رغم تخرجنا وتذكروا معايا موقف الرسول عليه أفضل الصلاة والسلام لما جاء له رجل من المسلمين يقول له تقدم لأبنتى 2 أحدهم ميسر والآخر معسر قال له الرسول عليه أفضل الصلاة والسلام وهى ماذا تريد قال له المعسر – لم يقل له الرسول عرفت منين إنه معسر ؟؟؟ هى بنتك تعرفه إزاى 
دى مش ملتزمه 
– النقطه الأخيرة دى ذكرتها لأنى متوقعه ردود معينه فأحب أوضح إن الدين لم يأمر بحبس المرأه طالم إنها محترمه وتعرف حقوقها وواجباتها اللى ربنا قال عليها))
ووصل الأمر بوالدتها إنها تبكى لها بشدة وتقول لها كل اللى فى سنك متجوزين ومخلفين عايزه أفرح بولادك هل أصبحنا زى المواشى اللى أصحابها عايزين يشوفوا إنتاجها أم إننا بشر وربنا فضلنا على باقى المخلوقات بالمشاعر التى يجب أن تحترم من جميع الناس فما بالكم بأقرب الناس لنا
البنت دى سنها 22 سنه النهارده جاى عريس يتقدم لها من النوع التالت الأخير اللى قلت لكم عليه أمالها الوحيد إنه هو اللى يرفضها إدعوا لها فدموعها لا تتوقف حتى وصلت لحاله من اللامبالاه وتجمد المشاعر فإن وافقت عليه هتظلمه وهتتظلم معاه وهتظلم أولادها وتكسر قلب إنسان حبها وكان عايزها فى الحلال لكن هتفرح أهلها
إدعوا لها بشدة والنهارده فيه ساعة إجابة لا تنسوها بدعائكم إن ربنا يفرج همها ويهدى لها أهلها ويعمل لها اللى فيه الخير من غير ظلم لها
ما أكرم رب العالمين تكون على فراشك والذنوب تغفر والخطايا تمحى وتسأل كيف؟؟ بدعوة اخيك بظهر الغيب
يارب ياارب يكون من نصيبها ويهدى ليها اهلها عشان يوفقوا عليه يارب بحق اليوم الكريم دا
وممكن هى تقول لمامتها انها اعجبت بيه وكل مواصفاته حلوه وكده
جايز ترضى
يارب اهدى ليها اهلها
كتبت بواسطة M!ss Mahy 
يارب ياارب يكون من نصيبها ويهدى ليها اهلها عشان يوفقوا عليه يارب بحق اليوم الكريم دا
وممكن هى تقول لمامتها انها اعجبت بيه وكل مواصفاته حلوه وكده
جايز ترضى
يارب اهدى ليها اهلها
جزاكى الله كل خير يا M!ss Mahy
يارب يتقبل منك دعائك وأتمنى أن تتذكريها طول اليوم بالدعاء
بالنسبة لمامتها هى حاولت معاها كتيير حتى أنا حاولت معاها
مفيش فايدة أملها الوحيد فى ربنا
ويسعدها بالزوج الصالح وييسر لها الخير وينصرها ويكون معها آمين…..
كتبت بواسطة mahmouds_angel ويسعدها بالزوج الصالح وييسر لها الخير وينصرها ويكون معها آمين…..
شكرا يا mahmouds_angel
بجد إنتى من الناس اللى بيسعدنى وجودهم
ربنا يصلح حالك ويقبل منك الدعاء
حبيبتي خلها تصلي صلاه استخاره علشان تأكد من اختيارها وبعد كده لو اتأكدت خليها تصلي صلاه حاجه وربنا يا يوفقها
كتبت بواسطة angel_81 حبيبتي خلها تصلي صلاه استخاره علشان تأكد من اختيارها وبعد كده لو اتأكدت خليها تصلي صلاه حاجه وربنا يا يوفقها
اللهم تقبل منك يا angel_81
هى فعلا بتصلى ودعواتكم لها مستمره
كتبت بواسطة خطوط الابداع جزاكى الله كل خير يا خطوات الابداع
اللهم تقبل منك يارب