السلام عليكم أخواتي الي طلب عندكم و بصراحة احترت بأي ركن أحط طلبي سامحوني اذا أخطأت الإختيار المهم عزيزاتي أنا مغرمة بالزعتر اللي بيتبل على الطريقة الفلسطينية و الأردنية القديمة ( طبعا قصدي الزعتراللي بتاكل مع الزيت ) فرجاءا اللي بتعرف شو تتبيلته و شو المقادير المضبوطة تكتبلي ياه بس المهم أنو تكون هي طريقة أمهاتكم و جداتكم أكرمهم الله
نحنا بحلب عندنا زعتر مختلف عن اللي عندكم لونه بني محمر و ألو طعم خاص بس طبعا زعتركم بيتميز بلونه الأخضر الحلو
أرجو أني ما كون أثقلت عليكون بالطلب و مشكورااااااااات جميعكم
الزعتر في الضفة يضاف له فقط زيت الزيتون والسماق والملح ثم يرش السمسم معه.
هذه الوصفه من فلسطين الجليل بالتحديد
بعد تنشيف ورق الزعترنطحنه ناعم نفركه بالزيت (اضافه كميه قليله )كل مره حتى نرى انه جاهز, نضيف السماق حسب الرغبه وملح اللمون (لا تكثري ممكن يطلع حامض).
وهاذا هو!!!!!!!!!!!!!!
هل من طلب اخر؟
الزعتر الاخضر تتبيلته أنواع …. أنواع من الأعشاب تضاف إليه … وبرضه هيه من نفس الأرض …
بكميات قليلة …
ـ شومر " الشبت" الجاف .
ـ الكزبرة الخضراء المجففة .
ـ السماق
ـ ملح الليمون .
ـ السمسم المحمص .( وهذا حسب الرغبة كميته .. زيادة أو أقل )
ـ يفرك بالقليل جدا من زيت الزيتون.
ـ وممكن يخلط ببعض الزعتر الذي يباع في الاسواق .. للأنه يخفف من حرقان الزعتر الاصلي .ويثري الطعم.
( وطبعا البعض لا يفضل هذا او ذاك .. )
أتمنى أن اكون افدتك
ـ
هو زعتر اخضر ورق ناشف 1 كغم +اكغم قمح محمص في الفرن او على الصاج+بهارات وهي كزبره باودر عين جراده الي هي بذرة الشبت +بذور الشومر ونععنع ناشف وبنحط بذور البطم ان وجد وسماق وشوي ملح وشوي فلفل احمر حار والعطار بيطحنها
بعد الطحن نضع كميه من الزيت تقريباكوب ماء من الزيت لو زاد ما بيضر ونفرك الكل جيدا ثم نضع سمسم محمص ونخلط الكل ويحفظ في مرطبانات زجاجيه في خزانةالمطبخ
واعملي مناقيش وكلي زعترمع زيت والف صحه وهنا على قلوبكم
ممكن نضع رشة ملح ليمون اذا بنحب يكون شوي حامض
صحه وعافيه
تحياتي
كتبت بواسطة وعود الخير 
يا هلا …
الزعتر في الضفة يضاف له فقط زيت الزيتون والسماق والملح ثم يرش السمسم معه.
الزعتر في الضفة يضاف له فقط زيت الزيتون والسماق والملح ثم يرش السمسم معه.
مثل هالطريقه علمتني اياها جارتي فلسطينيه
انا حشرحلك طريقة حماتى الله يكرمها وبصراحة زعترها زاكى واطيب من الجاهز.
بتجيب نص كيلو زعتر ورق ناشف وبتنظفو منيح من الشوائب وبتحط عليه 3ملعقة طعام ملح ممكن تقللى الكمية حسب رغبتك وبتحظ 3ملعقة طعام كزبرة ناشفة ومثلها جرادة ناشفة ونص ملعقة صغيرة حمض ليمون و5ملاعق سماق وبتوديه للمطحنة وبعد الطحن بتضيف كمية سمسم محمص حوالى 250جرام ونص كأس زيت زيتون وبتبسو كويس..وبيطلع يشهى وريحته بتملى البيت…
يارب اكون أفدتك وربنا يفرج عنكم ويفك كربكم اللهم آمين