حبيباتى الغاليات انا النهارده صورت عشايا انا وزوجى الحبيب وقلت انزله اول موضوع ليا في ركن الأطباق الرئيسية ويارب يعجبكم وبالصووووووووووووررررر وخطوه خطوه العشا كان كفته مشويه وفتوش وسلطة طحينه وخبز الشباتى الهندى ودة الرابط بتاعه انا منزلاه النهارده
**تطبيق متميز**تطبيقي لخبز الشباتى الهندى لغزولة روووووووعهههههههههه بس فعلا كان عشا جميل
اول حاجه الكفته المشوية
المقادير نص كيلو لحم مفروم انا فرمتها في البيت ودى صورتها
وبعدين جبت نص ربطة شبت ونص ربطة كزبرة خضرا ومعاهم 3 بصلات خضر استخدمت فيها بصل اخضر بصراحه بيعطى طعم جمي قوي مع الكفته وملح وفلفل وجوزة الطيب وقرن فلفل احمر حامي وشريحة جنزبيل اخضر فريش وفرمته وضيفتهم للحمه ودى شكلها بعد ماضيفتهم على بعض
وبعدين صبعتها على سيخ من بتوع الشوي وده شكلها
وجبت صينيه تيفال ودهنتها زيت خفيف جدا لأن اصلا الكفته فيها دهنه مش محتاجه ودى الصورة
ورصيت في الصينية بالشكل ده
حتى نهاية الكمية وقبل ما ادخلها الفرن
الفرن حطيت عليها نقطتين صويا صوص وربع معلقة صغير مسطردة رشيتهم كده عليها
وبعد كدة دخلتها الفرن على درجه حراره عالية جدا من فوق ومن تحت وطلعت روعههههه طلعتها وهى دى شكلها النهائي
وعملت معاها فتوش وسلطة طحينه ودة الفتوش
وطريقته للغاليه مروة شاهين
حبتين طماطم مقطعه مكعبات حبتين خيار مقطعه مكعبات حبة فلفل اخضر مقطع مكعبات بصلة خضراء مقطعه حوالي ربع حزمة بقدونس مقطع ناعم ربع حزمة نعناع مقطع ناعم ورشة سماق وملح و4 معالق زيت زيتون يخلطوا جميعا مع بعض وبعدين نص رغيف شامى مقطع ويحمص في الزيت ويوضع على السلطه عند التقديم
سلطة الطحينه
4 معالق طحينه ملعقتين خل ملح فلفل كمون وفص توم ناعم جدا ملعقة مايونيز ان وجدت وبعدين يتفكوا بمياة لحد ماتوصل للقوام المرغوب انا بحبها وسط لا هى تقيلة ولا خفيفة وبعدين رشيت عليها زيت زيتون ودى صورتها
انا عارفة انى طولت عليكوا بس يارب يعجبكم وتدعولى ربنا يرزقنى زرية صالحة عاجلا غير آجلا
روعة
وما تحرمينا من مشاركاتك الحلوة
الاهم من العشا الاوقات الحلوه ربنا يديم المحبه يارب ويكرمك بالذريه الصالحه عاجلا ان شاء الله
كتبت بواسطة بنوتة لبنان 
روعة
وما تحرمينا من مشاركاتك الحلوة
شكرا ليكى اسعدنى مرورك
يارب يرزقك بالذريه الصالحه
شكلها مرررررررررررررررة تحفة
جوعتينى
مافيش صباع كفتة فاضل هنا ولا هنا
دورى كده الله يخليكى
كتبت بواسطة high wave ياةة هاي ويف العسل واحلى طبق ليكي كمان ربنا ينولك اللي ف بالك يارب ويسعدك
كتبت بواسطة حبيبة قلب امها الاهم من العشا الاوقات الحلوه ربنا يديم المحبه يارب ويكرمك بالذريه الصالحه عاجلا ان شاء الله
شكرا جدا لمرورك من زمان وانا عارفاكى وعاجبنى اسمك قوي وبياثر فيا جدا يارب يفك كربك ويزيل همك يارب العالمييين